我好明白你心情,因我個仔都係,佢係由滿月開始就有,依家差唔多5個月大,但呢兩個月可以話係未好過,佢仲係好嚴重添,依家由頭到腳指尾都係,我都好心痛
上面linking介紹既方法&cream我都有買黎試,但都搞唔掂我個仔

你個女有幾嚴重?佢會唔會成身都好乾咁甩皮?                                                                                                                                                                                                                       

我今日帶左個仔去睇家庭醫生,佢一見到就話係好嚴重,即刻寫轉介信畀我去中環萬邦行睇皮膚科,個醫生都係話好嚴重,講左三次叫我唔好掉以輕心,仲話仔仔有水滲出既地方係有金黃葡萄球菌,依家開左抗生素同消炎藥水,同埋有輕微類固醇既藥膏,至於搽完之後就要自己補潤膚膏,用邊隻就要你自己覺得對佢情況有舒緩就OK,我就用QV,同埋叫我呢段期間轉食豆奶,醫生仲話如十日內冇好轉就要入醫院觀察,因有機會有拼發症.

順便一提,今日睇兩個醫生都話唔應該咁細個畀類固醇藥水食,唉..但之前食左依家都冇計..

我冇乜餵母乳呀,但我有個fd佢有餵,但個b都有濕疹,今日個皮膚科醫生話係我同老公既輕微鼻敏感既DNA畀左個仔喎..
希望你囡囡冇我個仔咁嚴重啦,如我呢個皮膚醫生OK,我再話你知啦..

可能我個仔依家情況係好嚴重,所以一定要用西藥&藥膏,等佢好d我都會用中藥幫佢清毒.