我是否太天真

我個人覺得你唔好諗個老公會唔會比多d家用，因為佢根本無責任感，無期望自己就唔會更加傷心。

如果我係你，我會約佢係一個好安靜既環境同佢傾下，問清楚佢對於而家呢個家有咩計劃，我會比埋家庭支出及收入表佢睇同解釋比佢聽。同時你都同佢講出你既計劃，可能係1)了解返佢既負債問題，因為你要明白一個無自制力既人，係無可能可以還清所有咭數，表明你希望佢將咭數逐一還清後取消哂所有咭，以後既消費模式係個袋有先用，(如果唔係你一生都會比佢負累，如果佢真係唔可以接受到，咁你真係要諗清楚要唔要同個無底深潭咁樣一直落去)

如果你係同佢傾完之後都無法同佢找到共識，咁你應該理性d分析你現在既形勢同應該點行，再同自己屋企人講希望佢地點樣配合自己，唔好再諗個男人佢未盡責任，因為佢一個獨立個體，無法要佢明白同做你認為佢應該要做既野。

希望你掁作，明天會更好。