初初識佢同佢拍拖時對我好好, 甜言蜜語就一定有, 佢係做政府工雖然收入唔高但好穩定, 成日同我講結婚後養我等我同佢生BB後照顧小朋友...
見佢唔煙唔酒好好仔, 不是富貴有錢都叫有萬幾蚊人工, 我就上年同佢結左婚並好快有左BB...
我地結婚擺酒所有費用都係一人一半, 我媽媽只係收佢二萬禮金for買衫比自己同金飾比我, 我地現在住那層樓都係我同屋企人的物業, 咁我婚前已同佢講要將他們比那條數比返佢地, 佢都同意.
婚後佢每個月比的家用只係三千大元...
我同佢講就算一人比一半, 六千未只係夠我地供樓比管理費, 電費水費等都比唔到, 重要日日我買飯比佢食(因我要返工)...
佢就話自己每月要比屋企四千, 又要還債...
我是婚後才知佢欠左好多咭數...
我見我自己有份工(又係萬多蚊人工), 咁就自己頂住先, 叫佢快o的還晒o的咭數, 之後先比多o的.
佢去銀行借左一條大數還晒o的咭數咁比少o的利息, 佢同我講係還到今年六月...
點知上年年尾佢又同我講佢計少左一張咭的咭數, 佢到六月都未能夠開始比多o的家用我...
因佢比太少家用, 我有BB關係, 我又要比錢去睇醫生, 比自己屋企(每月只係二千), 所以我整年都無還過錢比屋企人一直都係拖住先...
BB出世後的奶粉尿片所有雜費都係我自己比晒, 我要返工關係我比我媽媽照顧每月只係比左二千(即係共四千), 我重要朝朝抱BB上去時食早餐, 夜晚接BB時食晚餐才走, 那二千真的一o的都唔過份...
而佢就照舊大洗(在我眼中), 因我係好節儉的人, 常感覺應省得省, 叫外賣貴十多元我就自己落街買兩盒燒品飯都係三十幾, 但佢就LAZY又想食好o的就比多o的都叫人送, 次次都過百, 坐車去奶奶屋企平o的但佢鍾意玩車就問朋友借車用, 佢講就係想我舒服o的, 但次次要入二三百蚊油我就另願坐巴士, 我已多次話貴坐巴士算, 就算現在要帶住BB我都係咁講, 但佢依然照借, 只係叫借少左, 入去三次都借一次.
今年經濟唔好, 我比人炒左, 我同佢講時佢只係話找過另一間細O的屋叫少O的外賣, 但家用照舊無增加...
間屋是我地的, 就算唔還比我屋企都要供樓啦, 現在減息都要個個月比五千, 就算出去另租地方住, 租金相信都係差不多, 其他管理, 水電都未計, 個仔的奶粉尿片都唔知可以點計到三千可以維持到...
現在我又未找到新工作, 同佢講有工做但得四千, 都唔夠比BB屋企照顧加坐車食飯, 頭家只係靠我未結婚前的存款維護, 我現在好驚我唔知自己重可以頂到幾耐...
可能錢真的令我精神壓力好大, 在BB未出世時我已經成日諗同佢離婚, 等我返自己屋企住, 層樓又可以租出去比人, 我份人工一定足夠養BB同自己...
現在失業對離婚的感覺更強烈, 重成日諗點解婚後重要養多個, 養自己的BB就無所謂, 現在是要養個老公...
我好懷念以前, 每當我失業, 屋企人都會同我講叫我放心找新工, 佢地可以頂住頭家的...
