巴塞開始響起警號喇..

係加泰隆尼亞打呲戰中..
今日主場既巴塞輸比榜尾既愛斯賓奴2:1

真係好失望
全場射門數好似係嬴16:3..
但咁樣俾人入兩球
第二球完全抵死..v.v又發作
但反映今季巴塞後防真係唔掂..
碧基我覺得未夠班..或者咁講..未夠經驗
卡沙里斯我就覺得完全唔掂.但今場冇出就另計..
馬昆斯好鬼飄忽
隊友又岩岩傷完
但再唔執執佢去到歐聯都幾麻煩

前面冇左小白之後
突破比較好既真係得番美斯..
可惜今日美斯真係麻麻
幾下都過唔到..似乎比人捉到路
伊度奧同亨利都打唔到應有既水準

當然啦..基達咁早俾人趕出場係呢場波既關鍵
場波火藥味都好重..
我諗成場波最少有8張黃牌飛左出黎
呢場波睇黎係哥迪奧拿遇到最大既問題喇..
輸兩球既時候
佢果斷咁換走伊度奧.換古裝人入黎博..
雖然冇入波.但古裝人勤力搶番唔少攻勢.值得一讚..

後防的確係今季巴塞能否嬴聯賽..什至雙冠既一大隱憂..
你唔可能期望場場都以攻代守.
後面輸幾多..前面入番幾多補數
依家唔係打機呀大佬..做唔好防守..前面踢到識飛都冇用啦唉

依家連聯賽都俾皇馬追到得番7分到..唉.你都咪話唔危險