係加泰隆尼亞打呲戰中..
今日主場既巴塞輸比榜尾既愛斯賓奴2:1

真係好失望
全場射門數好似係嬴16:3..
但咁樣俾人入兩球
第二球完全抵死..v.v又發作
但反映今季巴塞後防真係唔掂..
碧基我覺得未夠班..或者咁講..未夠經驗
卡沙里斯我就覺得完全唔掂.但今場冇出就另計..
馬昆斯好鬼飄忽
隊友又岩岩傷完
但再唔執執佢去到歐聯都幾麻煩

前面冇左小白之後
突破比較好既真係得番美斯..
可惜今日美斯真係麻麻
幾下都過唔到..似乎比人捉到路
伊度奧同亨利都打唔到應有既水準

當然啦..基達咁早俾人趕出場係呢場波既關鍵
場波火藥味都好重..
我諗成場波最少有8張黃牌飛左出黎
呢場波睇黎係哥迪奧拿遇到最大既問題喇..
輸兩球既時候
佢果斷咁換走伊度奧.換古裝人入黎博..
雖然冇入波.但古裝人勤力搶番唔少攻勢.值得一讚..

後防的確係今季巴塞能否嬴聯賽..什至雙冠既一大隱憂..
你唔可能期望場場都以攻代守.
後面輸幾多..前面入番幾多補數
依家唔係打機呀大佬..做唔好防守..前面踢到識飛都冇用啦唉

依家連聯賽都俾皇馬追到得番7分到..唉.你都咪話唔危險

球証+愛奴球員踢得茅
巴塞球員一做波就比人整跌
點組織攻勢

1. vv呢球係低能, 但不可以就此忘記他今季對巴塞的負出
2. 卡沙利斯完全唔得? 唔認同!
3. 哥帥調動算係夠果斷同正確, 但係當美斯都搏到抽筋咁滯都唔換卡基出0黎試0下, 呢點佢又唔夠大膽wor
4. 其實都唔駛太悲觀, 傷兵多0左, 跌watt少不免, 見到球員心態都冇乜大放鬆

唔好唔記得
皇馬無可能繼續場場贏的
佢地連勝9場我地先失5分
依樣都好勁,贏到西甲係實至名歸
對巴塞隊波的鬥心要有信心

輸波姐,唔好輸勢,品

繼續煽動d不安情緒 真係爽

哥迪奧拿真係要好好調整班球員,
今埸巴塞班球員既默契唔係好得,
一係傳過龍,一係俾人折到

巴塞會唔會之前鋒芒太露、宜加先黎考驗佢地
今場球証自己都失哂控
愛奴球員下下都做戲,真係好克人憎
V.V今場終於犯大錯,最怕佢係咁

聯賽次要,歐聯先最重要,但宜加士氣先黎跌,真係要睇下哥生既功力