我都好羡慕年年去日本,我都會都其他網民一樣期待去日本旅行的一個愉快旅程!                                                                                                                                                                                                                       

DAY1    PART 2
行行下俾我地見到......
波兒,雖然得意,不過d產品都幾貴嫁!

呢間有好多懷舊玩具同食物買.

行完商場,回程番新宿,路過西武去超市買定d宵夜先!

坐山手線番回新宿,成8點幾了,今晚我地食若狹家魚生飯,上次一食上癮,今次再嚟!水準保持,好味道!
小寶嘅三色井
我既六角井

盛惠¥2210,抵!其實間野有個大胃王挑戰賽,如果15分鐘內食晒一大碗魚生飯(4-5碗普通size)就唔駛錢,如果失敗就俾番原價3千幾円遮,各位大胃兄弟下次可以試下,順便同港人爭光!
食飽飽就同小寶開工......夾公仔時間!
大,小布歐啊!

出手喇!......可惜......                                                 失敗!
幾經辛苦都有d收穫,玩到咁上下就返酒店.
戰利品分享:

夾番嚟嘅!                                                              買冬甩加錢換嘅!
沖完個涼食宵夜
栗子旦糕
Day1行程完畢,明天向廸廸尼出發!

more photo.........................

thx for your sharing!!                                                                                                                                                                                                                        

樓主keep posting

thanks a lot.
add oil

DAY2    30/1/2009  (五)    PART 1
新宿＞Disney sea＞新宿
行程第2日，全日落雨，但我地無考慮過改行程，因為我上網早知今日既天氣，如果改星期六、日去肯定勁多人，我地唔想同人迫，所以照去。我地將會全日奉獻俾廸廸尼，disneyland小寶去過兩次，我都一次，所以今次會向Disney sea出發。
今朝7:30morning call，上酒店25樓食早餐(package包嘅)，水準ok，個景仲正，不過今日落雨就無吔野睇喇!

食完早餐8:30準時出發，因落雨關係我地行地下通道到JR站坐中央線快速到東京站(要行15分鐘)轉ＪＲ武蔵野線快速到舞浜站。
未到10點就到站了.
平時去DISNEYLAND出站轉右行過去就OK喇!不過去SEA就要左轉去坐RESORT LINE先得.


就係呢道買飛坐車.

人數都唔少嫁!

成人每位250円.

雖然相差一個站,但因為架車單向行駛,所以都要轉過大圈先到DISNEY SEA站,不過無所謂啦!反正都係咁多錢,咪當新正頭行過大運囉!


車到了

米奇吊環?

出面真係幾大雨嫁!

終於到了.今日人流真係唔多,可能落雨關係,我地玩親都唔洗點排隊,連快證都唔駛攞!不過d卡通人物就唔見晒,可能驚淋親掛!

威尼斯人?

呢過幾好玩,都係排左3個字咋!
d雨時大時細,開頭惗住靠件防水褸頂住,不過無耐件褸都濕到透,最後同小寶商量要向現實低頭,用600円價錢買了兩件國產透明雨褸,有d錢係要俾人賺嘅!
著左條國產戰衣,個人當堂生猛起嚟!再去玩過.

玩到咁上下,又搵野醫肚先,記得上次係land果邊食過隻煙火雞肶好正,不過今次sea就唔見,不過都搵倒隻煙雞肶補數,味道都幾好.

呢個係芝麻味棒,不過小寶話肉桂味好食d!
食完又行下,玩下,shopping下.


嘩!好新鮮呀!


小寶最鍾意嘅妙妙貓!

影完張25週年紀念匙,我同小寶都玩到差唔多,決定走人了,其實時間都係4點幾咋!
又要坐resort line,今次真係坐一個站就到,不過都係要收你250円無價講嫁!

當然你都可以買one-day pass,650円一位,你坐倒3次就有賺喇!不過除非你會離開廸廸尼出去行或者住廸廸尼酒店內,否則都無吔需要了.

車到了,上車!坐車期間,小寶話dianey sea內滿足唔倒佢嘅購買慾,所以要番去resort station度再買過!確實如果你鐘意買廸廸尼產品或感染佢地d氣氛嘅話,land果邊係好d,不過對於我地呢d唔係廸廸迷嚟講,sea果邊d機動遊戲就好玩d囉!