版主
|
1#
大 中
小 發表於 2009-3-17 13:24 只看該作者
09東京新春行大運六天團(6日全部完成!)
09東京新春行大運六天團
大家好!小弟第一次在此同大家分享日本遊記,首先感謝各有心人在本討論區既貢獻,收左咁多料,當然要交下功課啦!
其實今次已經係小弟第三次遊日本喇!第一次係07年聖誕東京5日、第2次係舊年3月大阪6日,今次就在年初四出發,實行同寶寶龍行個大運。一齊睇下D資料先!
參與人物:豬爸爸(本人) ,寶寶龍(小寶)
日期:09年1月29日-2月3日
地點:日本東京
航班:西北
住宿: 新宿華盛頓酒店
計劃行程Day1:香港>日本成田機場>新宿(hotel)>池袋>新宿
Day2:新宿>Disneyland sea>新宿
Day3:新宿>上野>秋葉原>新宿
Day4:新宿>川越>入間>中野>池袋/新宿
Day5:新宿>築地>鐵塔>原宿>池袋/新宿
Day6:新宿>日本成田機場>香港
好!費話小講,大家一齊跟我地出發啦!
DAY1 29/1/2009 (四) PART 1 香港>東京成田空港>新宿(hotel)>池袋>新宿
我地班機8:15起飛,所以6:30到機場,因為我已在網上CHECK IN,所以唔駛咁早到,但就無劃位,因我地係用團體票,早幾日先知訂票編號,上到網D好位同相連位都無晒,心惗可能要同小寶分開下 ,點知原來旅行社早已幫我地劃左相連位,我同小寶又重逢了 ,多謝晒縱X遊許小姐,抵我每次買日本PACKAGE都幫襯你地 !
完成任務就過關了,因為我地坐西北機,所以檢查比較嚴謹,佢地點知,因為每人個心口都要貼個nwa既大貼紙,傻都知啦! 不過過關都算順利,起碼唔駛除鞋啦!
雖然明知上機好快有飛機餐食,但難得出埠嚟到機場都要食個機場早餐嘅!嚟到無理由仲幫襯大家樂假,所以決定食popeye!ok啦!
29號閘口,唔駛坐無人駕駛.
我地嘅戰鬥機nw012
旺季即係旺季,班機好full,不過都準時起飛,東京!我地嚟喇!
如我所料,好快就食飛機餐:
小寶嘅奄烈我嘅雞肉炒麵
味道一般,不過我都食晒,我係咪癲左!
有人對西北機有d偏見!但我就幾buy佢,起碼時間好,最緊要係價錢平,唯一係座位無獨立電視囉!不過我就唔太嫁意,反正食飽都訓覺啦!
坐完3個幾鐘機,我地終於踏在日本嘅國土喇!
攞完行李一出閘轉右落一層,行行行就見到呢間野,大家都知到嚟買西瓜卡套票啦!
成功!仲記得第一次嚟盲中中搵左好耐,不過今時今日我已經成為識途老馬了!
我地坐14:15去新宿,仲有半粒鐘周圍影,仲有時間退番張舊西瓜卡添!
車到了
我地呢個係總站,所以d客落左車我地都未上得住,除左要做簡單清潔外,最重要係要將d座位自動轉回車頭方向,咁就唔洗坐對頭車啦啦!
搵位!上到車搵位坐低,第一個比我嘅感覺係又焗又熱, d暖氣好勁,我同小寶都係熱底,所以要除左件褸先掂!
落過雨!坐左個半鐘準時到新宿駅,向南口出發.
行行行!
未到4點,相當順利.
我地今次住嘅酒店!其實一早知道華盛頓離新宿駅15分鐘行程都幾遠,不過我地個plan最平呢間,住落都ok,反正都由朝行到晚,無所謂啦!
放低行李,我地就向旅程第一站(池袋)出發.由於計劃明天去廸士尼sea,所以惗住去sunshine city嘅disney store買定飛!去到池袋行過大黑屋,入去睇下d飛有無得平,記得上次去就無平過,所以今次唔大寄望,不過睇睇果然有驚喜,原價¥5800現在¥5500,兩條友慳足¥600(成50蚊嫁),可能張飛2月6日到期,所以有得平啦!
買完飛,肚仔開始抗議,醫下肚先,我地食左巨型章魚燒:
簡左個人氣no3同平日限定,其實分唔出有咩分別,不過肚餓加上凍凍哋,食d熱野當堂滿足晒!
食完要搵野飲:
小寶嘅我嘅
|