事後, 我當然有問番呀C我既憂慮
好彩佢呢班朋友都明白事理 ..
仲讚話我有禮貌類似的說話
我心 .. 總算安下來。
如是者, 我同佢已經過左2星期
由於一開始佢失業
所以見面相處既時間較多
例如 ...
會o係我公司樓下等我放工然後送我番家,
有時我唔使OT都會一齊食埋飯先走,
雖然相處時間多,
但我唔係咁鍾意自己男友好似成日都無所事事
而咁岩當時既我o係1間人事顧問公司做CONSULTANT
所以我能夠利用公司丁點關係
好快咁幫到呀C搵到份文職工作
(因為呀C學歷不算好, 也沒相關工作經驗
所以要打一點關係, 出多份口力)
由於大家都係文職關係
所以大家見既時間都好stable
星期日 - 四
我通常都會留在家食飯
星期五 / 六
都會出去搵呀C // 見朋友
2008-04-11 (星期六)
夜晚過左太子接呀C放工
然後過新世紀逛逛食左少少野
JOIN埋呀K (佢老死) 過OGAWA等呀AIR (另一老死) 放工
9點左右就一齊搭的士過TST金巴利道
今晚係佢地舊同學的生日
上左AIR爸的一間上樓BAR玩
今次好齊人 .. 廿幾個 .. 我仍然1個都唔識。
比起上次好, 因為好多都有帶自己條女出去
就係咁, 我識到而家2位好朋友 - ICY + KATHY
當呀C見到ICY黎到之後,
呀C:<喂 ~ 同你介紹先>
ICY: <嘩你又換畫喇?>
呀C: <ER .. 咪講D 衰野啦!
佢係YAN, 我女朋友>
我: <你好呀!>
ICY:<你好呀~>
好快, KATHY 都出現左 ..
KATHY: <喂ICY, 你隔離條女邊個黎架?>
ICY: <佢係呀C新女呀>
我:<你好 .. YAN>
KATHY: <哦 .. 又換畫 ..>
我+ICY: <哈哈 ...>
就係呢個咁老土既開場白, 就開始左我同ICY + KATHY既友誼 ..
o係果晚, 男有男o係出面露台吹水
女有女既唱K玩骰 ..
而我 .. 坐左o係度煲悶煙 ..
突然 ..
KATHY: <YAN原來你食煙架?
太好啦 ~ 我都想食 .. !!>
我: < 哦, 好呀 .. 等我出去問呀C拎啦咁>
當我行到出去, 我淨係見到呀C o係度拎住個電話係咁禁 ..
突然我個腦就漂左佢舊女友個名出黎 ..
而佢一見到我行左出黎, 就即刻收起左部電話 ..
當我行到佢度, 只係拎左佢包煙+火機就番左入房
跟住就坐左o係房喊 ..
忍不住既胡思亂想真係令人好頭痛。
無耐, 佢入到黎見到我喊
就拉左我出露台傾計
解釋番電話果件事類似類似的
果然 .. 係佢舊女友主動搵佢
想約佢出去飲野 ...
話好掛住佢好想同番佢係埋一齊
好多類似既說話 ..
我已經喊到收唔到聲 ..
最後, 呀C o係我面前SEND左個SMS比佢
話佢依家已經有新女朋友
叫呢個女仔唔好再搵佢 ..
雖然果一刻 .. 我叫自己應該信佢
但 .. 咁我望到佢禁電話果一刻
究竟佢係覆左呢個女仔D乜野 ..
其實我到而家都唔知 ..
