第1次O係呢度開POST .. 做下電車女!!
希望有人入黎睇又解答下我啦

BRIEFTLY ..
上2星期前, 比我發現到男友原來1而再, 再而3咁呃我,
所以我最後終於講出左分手..

一而再, 再而三...
算擺啦, 無佐唔洗恨..

都唔錯喎

點呃法先得架...

2008-3-29

夜晚9點幾, 我既好友SUKI打黎 :
Suki: <喂, 今晚圍內同你再玩多晚,
當繼續慶祝你既生日月呀!
11點Neway City 見啦!!>
我都未比得切番任何反應 ..
Suki就cut左線 ..
無奈地,
執下個樣換衫搭的士出去啦

入到去, 有7-8個人 ~
唯獨有1條友仔唔識既, 佢叫呀C (化名only)
玩下飲下癲下咁又1晚 ..
話咁快又到天光6點幾 ~
個個都散水啦 ..

呀C: <好晏啦, 不如我送你番屋企丫>
我: <唔使啦, 都天光有巴士番去架喇!>
呀C: <我第1次話要送女仔番去架咋,
唔係諗住比檸檬我食下嘛?>
我: <下 .. 咁你講到咁樣, 你鍾意啦~>
就係咁, 佢就陪我一齊行去巴士站等車 ..

等呀等 .. 等呀等 .. 足足等左半個鐘先有車
期間, 有講有笑, 可能因為飲左酒, 個人都飄飄地 ..
上左車之後, 不自然地我就挨左佢膊頭訓左著喇
落車果陣, 借D 2, 大家就係咁拖住左隻手行到番屋企 ..

支持 ! 支持 !

2008-3-30

呀C送到我番去之後, 大家乜都無講就走左喇 ..
由於今日係清明節, 要跟屋企人去沙田寶福 ..
所以抖左陣訓左陣又要起身出去喇

拜完山o係沙田同屋企人食下野 ..
Suki 訓醒打黎 ..
Suki: <點呀醒左未呀 ~?>
我: <醒左啦, 入左沙田拜山呀>
Suki: <係wo ~ 今日清明啵 ..
丫, 尋晚你點番去架?>
我: <你醉左呀? 你見唔到呀C送我番去咩!>
Suki: <嘩 .. 竟然@@
咁有冇咩特別野發生左呀? XD>
我: <er .. 無 .. 無乜野呀>
Suki: <真係? frd底一場, 咪呃我好喎!!>
我: <果然無乜野呃到你 ..
尋晚同佢拖左手一齊番去囉 ..
其實乜都無發生過呀, 信我啦!!>
Suki: <@@ ~ 唔係掛? 你講真架?>
我: <係呀, 仲呃你做乜姐>
Suki: <其實你知唔知佢係有女朋友架?
我老公話因為佢同條女鬧交,
所以先一齊出黎架咋 ~>

[Suki'男友既親生細佬就係呀C]

我: <唔係嘛 .. 咁大獲?
完全唔知有咁既事喎 ..
唉 .........>
Suki: <你快d攪番掂去啦,
咪攪到咁複雜喇 ..>
我: <嗯 .. 再打比你啦, bye>
聽完個咁既電話 .. 真係野都唔想再食 ..


夜晚的時候, 有個唔識既電話打黎 ..
我: <喂 ~?>
人: <wei ~ 做緊咩呀你?>
我: <...............>
人: <喂喂? 喂喂有冇人呀?>
我: <你係邊位?>
人: <哦 .. 原來你咁善忙既,
定其實成日都有好多人送你番去架?>
我: <你係呀C??>
呀C: <叻女, 仲以為你無本心添 ~>
我: <唔係 .. 你搵我有事?>
呀C: <傾下計姐 ~你唔得閒?>
我: <唔係呀你講啦>
.............閒聊左一陣 .. 佢竟然問左1個問題 .......

引用:

點呃法先得架...

睇落去睇落去 ~~

引用:

我係你就切左佢jj令去餵狗

真係要咁殘忍?

Continue ...


呀C: <其實你記唔記得我送你番去果日既事架?>
我: <er .. 記得, 做咩無啦啦提番起?>
呀C: <無呀, 問下你姐,
我可唔可以再問多你1個問題呀?>
我: <你問啦 ~>
呀C: <你可唔可以做我女朋友呀? >
我: <下, 咪玩我呀先生>
呀C: <我係認真架, 係真架!
我真係想你做我女朋友架!!>
我: <若果我應承你,
咁你條女點算?
定其實你係諗住1腳搭2船呀?>
呀C: <我無女朋友呀 ..>
我: <Suki 同我講你果晚只係同條女嘈先出黎,
你覺得我應該信你, 定信我好朋友 .. ?>
呀C: < ..................>
我: <我覺得做朋友既搵我無所謂 ..
我玩唔起呢D 愛情遊戲囉 ..
我沖涼先喇, 再電聯啦 ~ >

收左線之後 // 唔知點解竟然有種失落感 ..
究竟我真係對佢有左感覺 ..
定只係對呢個所謂"朋友"而失望呢 .. ?


隔左1個鐘左右, 呀C又再打黎 ..

呀C: <對唔住呀, 我唔應該呃你,
我尋晚出黎果陣的確係同條女嘈,
其實我已經唔再鍾意佢,
我岩岩已經打左去同佢講左分手架喇
認真諗下同我一齊丫好唔好呀?
我想比你知我對你係認真架!>
(我當堂打左個突 .. 完全唔知應該比咩反應 ..)
我: <下 .. >
呀C: <我而家比10秒鐘你考慮,
10秒之後你無任何反應比我既話,
我就當你應承架啦!!!! heeee ~>
我: <下 .. 咪先咪先, 你咁都得架咩?>
(但呀C一於少理, 繼續倒數 ....)
呀C: <5, 4, 3, 2, 1, 老婆>3<>
我: <.............................................>
呀C: <老婆老婆?>
我: <你叫我??>
呀C: <梗係啦, 快D叫聲老公!!>
我: <哦 .. 老公?>


就係咁, o係2008年3-30號我地正式一齊左 ...

waiting=]

支持你!

突如其來既一段新感情
曾經令我有點兒不知所惜
基於我對佢親哥既認識 .. 呀C既感情觀 ..
一開始我係好怕成為牙籤/水泡 ..

同呀C開始左1星期左右
佢就帶左我去見佢班老死..
我相信佢呢個行為係想令我安心
夜晚放工去左新金榮打冷, 一去到
老死們: <阿嫂你好!!>
我DUP低左個頭 .. 唔知比咩反應好..
基本上成晚都只係坐低聽佢地食野飲酒吹水
到12點幾果陣 ..
老死K: <食飽架喇喎, 一陣去邊?>
老死S: <唔係掛無野攪? 唔係真係一心出黎見呀嫂咁有誠意呀?>
我心諗 ... (又關我事?)
經過佢地一大相議 .. 決定落清吧飲酒 ..

第1次自己一條女 .. 同成班男仔落吧玩 ..
個感覺真係不太好
雖然有個係自己男朋友, 其他係佢既朋友
但唔知點解梗係好唔想再留低咁
所以坐到2點度 ..我就開聲話走先 ..
呀C佢有話送我番去
但個屎忽仲痴住o係張椅度
就知道佢根本仲想陪佢既朋友
我都唔好意思一定要佢走 ..
所以先自己走先 ..

咁樣走 .. 究竟佢班老死會點睇我呢一個女朋友?
究竟係咪好唔比面自己男朋友呢?

-.-成班仔得1條女, 條女緊係悶架啦...悶就緊係閃架啦, 人之常情啊, 正常個男友就會陪埋條女送埋返屋企o既...

very good