賭城發現老千用iPhone「出千」

我覺得唔俾用工具輔助算牌只係賭場附加的遊戲規則，當然，既然有呢個規則，去賭o既人願者上釣，就應該遵守呢個遊戲規則。

不過，我覺得話咁樣係出千，就有點言重了。始終我覺得出千的定義係以欺騙的手法去勝出賭局，但係算牌只係計機會率，賭場都會用幾副牌黎降低算牌的效率啦，有本事佢地咪放夠100副牌落去將算牌的效率降到接近零囉。所以唔俾用工具算牌呢個規則，我覺得幾唔合理。

等如打麻雀，人地食對對胡好叻，另外三家怕左佢，加條規矩話唔俾食對對胡。咁o個個人一係就拍枱離開唔撚打落去，打得就要守規矩，但係如果佢真係食左舖對對胡，另外三家最多話佢唔守規矩唔俾錢，話佢出千就過份左。