未出廠冇可能買到~~~

首先,日本訂一萬隻,廠就要做一萬隻,再比一萬隻日本,唔多得唔少得,
因為日本只"授權"一萬隻比廠商,廠商絕對唔可以做多.
如果未出廠已買到,即代表廠商響一萬隻以外再私自"侵權"製做更多,咁叫老鼠貨.
(響一萬隻入面偷出來賣亦叫老鼠貨)
所以絕冇可能係"香港行貨",因為全部貨為同一批,所謂香港行貨只係加個貼紙咁大把.

港版,日版/其貨國家版(水貨)都係同一批貨,
港版係指貨物經香港代理商出售,佢果隻冇經香港代理商點可能叫"香港行貨"?

如果佢係真既,我估計佢應該係亞洲版(亞洲版冇貼紙,平價少少,質量較差),
亞洲版pop平均$200左右.

(eg.超合金"六神合體"香港行貨價係$1500,日版價係$1900,亞洲版價係$700,
咁你自己預價喇.)

你要先了解咩叫行貨,咩叫水貨.

由香港代理商引入再出售 = 行貨
由其它國家代理商引入到佢地自己國家,再響未經香港代理商同意之下流入香港出售 = 水貨

水貨亦有分好多,
有日版,歐洲版,亞洲版,馬來西亞等.............
有部份國家經濟能力較差,廠商會以低價將次貨賣俾佢地,
或做一批質量較差既平價貨佢地,
行內人多叫佢做亞洲版.