就算有人要哂你d鼠bb  你都要將原本果2隻男女鼠分開養架
佢地好快又會生架啦  鼠鼠懷孕期只1x-2x日咋
一直唔分開男女鼠  一直俾bb人都唔係辦法架  
明知自己冇能力照顧鼠b  請唔好俾佢地再生
你俾d唔識ge人   佢地係咪識養,會唔會好錫鼠鼠你又唔知....
而且鼠女生一次好傷身架  命都短d
我早2日先係另一個討論區見到有個主人話鼠鼠生左12隻bb之後死左...
bb都兇多吉少
鍚鼠鼠ge話  分開男女鼠唔好俾佢地生啦

鼠b起碼要3星期-1個月先可以離開媽媽
你有冇分開鼠爸呀  小心鼠爸食左bb
你唔好搞鼠媽鼠b  你嚇親鼠媽  佢會食左bb架
分開鼠爸  俾足夠食水食物鼠媽  放籠係陰暗安靜角落
等bb出左毛先影相啦  而家影都冇用  只係一pat紅色肉
影相唔好開閃燈  會影響鼠鼠眼睛                                                                                                                                                                                                                                                                                                                                                       

我真係好心痛d鼠鼠  因為鼠鼠便宜 交配生b能力又高
唉.......
我覺得鼠鼠生命比唐狗更賤更慘更可憐

已經生左bb  自己養唔哂要俾人ge話  小心幫bb搵好主人
鼠媽鼠爸一定要分開架  鼠鼠繁殖能力好高  甚至鼠媽剛生完都可交配  
鼠鼠唔會悶架  你買d玩具俾佢地  多d同佢地玩就ok
鼠鼠需要ge係一個錫佢成日陪佢玩ge主人  多過一個鼠同伴
你可以買雙子籠(一籠分開獨立2邊)  咁鼠鼠可以見到又唔怕佢地再生bb