我奶奶！正！

我記得之前有個POST，
話佢奶奶煮D垃圾比佢食，
結果比個9唔答8嘅人話佢，
我睇到佢個POST，
我真心登佢可憐，
因為我奶奶可能比佢奶奶更勁......
佢話佢病左都有3個餸，
而我奶奶......
每日都有3個餸：
第一個：新鮮嘅餸
第二個：前一晚嘅隔夜餸
第三個：蒸咸魚
每一日都係咁，
佢成日煮D奇怪野，
買埋晒D平野黎煮......
好似石九公......
仲要話比我知10蚊有一大碟......
其實買條桂花魚黎蒸，
都係20蚊啫，
點解要整D下爛野呢......
唔啱我食，亦唔啱老公食，
我自己買左餸整，
佢就響隔離嘈，
話我好咁整，
唔應該咁整，
怕我會食死佢個仔咁......
結果佢會響我行開左幫我整左我D餸佢，
而奶奶用嘅調味料就只係薑，
永遠唔會醃野，
有味醃左嘅野對佢黎講就係味精。
尋晚，老公同佢講想食番茄炒蛋，
我諗住終於有一餐正常野可以食啦，
點知......出左黎碟番茄「炒」蛋，
變左番茄「水」蛋，
老公發晒脾氣，
我左氹右氹先留得住佢唔走出屋企......
自從佢過年響美國返左黎之後，
我同老公就冇一餐正常過......
我都係上黎呻下架咋，
你覺得碟餸正嘅，
睇完唔好鬧我......                                                                                                                                                                                                                                                                                                                                P17-04-09_20.51.jpg                                                                                                                2009-4-18 22:27                                                                                       
                        奶奶堅持係番茄「炒」蛋嘅番茄「水」蛋......