中國功夫並不小兒科
日本空手道,柔道,柔術的技術之中,亦有如國術中的凶狠手法,指插,扯頭髮,打蔭等等,
但係日本人能將以上3種武術推廣至全世界,什至作為奧運及亞運項目,因為佢地有系統去發展,
我發現世界上發展健康的武術運動的共通點如下:
1.競賽
2.比賽規則
3.段位制度
4.完整而科學化的理論(心理,生理及技術3方面)
5.訓練系統
---------------------------------------------------------------------------------
訓練系統
缺乏完整訓練系統,所謂一膽二力三功夫其實已經過時,
單單以一膽為例,不是夠膽就可以,而係整體的心理訓練,心理戰術等等
體能訓練,強化心肺及四肢,以支持技術應用,仲有抗打訓練係唔少得,
仲要有系統既技術訓練,如何為有系統,即係唔係一味打套路,仲要有一d搏擊練習
組合既練習,訓練反應,什至係擊打沙包及擊打拳腳靶以助訓練動態力量及視力.
完整而科學化的理論
無論泰拳,空手道,柔道,柔術都有一套符合邏輯及科學化的運動理論,
中國功夫一直被神化,誇張,係時間回來現實世界.
段位制度
呢樣唔係一個絕對必要,但係有助分辨學員能力及學習進度,
升級制度亦可以比學員按步就班去學習,亦能提高該武術的透明度.
競賽
我感覺到我國功夫缺乏競賽系統
競賽系統除了為練習者帶出樂趣之外還會在競賽之中得以進步,是學習與進步的必要條件.
比賽規則
相信大家都聽過散打,何謂散打?簡而言之,只可用拳,腳及摔技,身體不可同時以3點著地,也沒有地戰,
以上呢個規則對國術有何幫助?能打出國術手法嗎?與泰拳不打肘膝分別大嗎?
以上規限只會令國術人墮入接近泰式訓練法之中,難以發揮傳統手法及理論,
小弟有如下愚見
#可用拳,腳,肘,膝,亦即踢打摔拿,
(踢擊,打擊,肘擊,膝擊,摔撻,擒拿關節技術,可腳踩)
#不可打陰,眼睛,後腦,不可扯頭髮,不可牙咬
#4點著地,不可打擊(沒有地戰)
#衣著方面,任何國術型式的衣著,包括便裝.
#穿帶露指拳套,以便使出國術手法
#不帶護甲護脛頭盔等護具,只帶護陰
#可穿布鞋波鞋等鞋類,工業鞋除外
#競賽時間為一回合分勝負,5分鐘/10分鐘
#不設計分制,只有其中一方投降或不能戰鬥為勝負之分
當然已經有人踏出第一步,為中國功夫建立第一個共同規則,就係散打,
但係都係果句,呢個規則反而規限左中國功夫既手法與技術應用,
都係抄襲其他比賽規則,仲要係抄唔足果隻.
各位練中國功夫既朋友,有無興趣係呢個共同規則之下去進行競技?
純以中國國術手法較技,依以上規則進行
