我反而覺得個篇文章既作者本身既觀點都已經落後形勢。
同埋佢好似唔係好了解香港人睇電視既目的。
而家internet又boardband又依樣個樣，年青一代到底有幾多時間會睇電視。
我反而覺得internet係一個比百幾條頻道廣闊千百倍既媒介，係香港依個咁自由既社會，基本上就唔會有網係上唔到，只要你有心去搵資訊，你一定有辦法搵到。反而好似澳門咁，有好多頻道，但係就全部都係來自一個言論唔自由既地方，再多一千條都唔會對觀眾既眼界有乜野幫助。
其實文章作者應該要睇到一個變化係，而家既人唔一定再係傳統電視觀眾咁被動地接收資訊，而家最需要眼界或視野既人係會自己去搵佢想要既資訊。
我對台灣就唔係好了解。如果睇返大陸，佢地係接收到好多電視頻道，但係個啲頻道唔係來自中央台就係地方衛視，地方衛視基本上全部都一樣，有時你可以用轉台去連續睇同一集劇集。
反而係香港，你只要肯俾錢去睇收費電視，你基本上係可以就住自己所想要既去選擇頻道，鐘意睇旅遊節目既差唔多可以全日24小時去睇，鐘意睇某一個宗教既節目都一樣可以24小時不停睇。鐘意睇飲食節目一樣可以一日睇足24小時。依個就係主動去搵自己想要同被動地去等自己想要既分別。
再講，收費電視既頻道都有自己既一個大主題，既然有左一個大主題，即係已經有一個好清晰既觀眾定位，例如會花多啲時間去睇財經台既多數都係會係個人資產比較多，收入比較高又或是金融業界既人士。咁樣廣告商就好清楚自己要去邊個台賣廣告會最直接接觸到目標觀眾。咁既情況下，佢地未必再需要用一個好general既收視率去sell自己個台。
時代唔同左，免費電視頻道既內容唔一定再反映一個地方既人既口味，又或者用另一個角度去睇，電視口味已經因為有收費電視而變得個人化，既然電視口味已經個人化左，免費頻道既節目亦都未必反映一個地方觀眾general既口味同視野。
