老友, 唔好咁灰住, 天大地大. 我好明白你感受因為我一樣試過你講既情況. 我剛剛先做返野, 被FIRE左後失業了2個月. 我一樣有學位有工作經驗但一樣好難搵工, 特別呢個時勢D PK 老板吊高黎買...我左1個月後都好灰. 覺得社會欠左我咁, 即使有學位工D 老板都當你F5 畢業咁, 有D擺明玩你. 因為此一時不同比一時: 時也命也. 我都曾經好灰, 失望, 日日訓到12點......過左2星期, 咁又點? 訓完起身睇電視刷牙沖涼大小便後再訓覺等運到???? 抑或你有幾千萬身家唔憂做?? 唔駛開飯開支?? 回到殘酷的現實世界, 訓完發完白日夢, X完鬍鬚曾後咪又要再重新上路工!!! 除非你唔再做人世. 不過你唔做人咪一樣影響到屋企人, 有無買定500萬以上保險比屋企人先? 我相信好多人都無. 就算有而去死, 就此了結一生咁心嗎? 說回頭, 如果要去自盡有無買保險; 又或者有些人有勇氣去死無勇氣面對現實, 又或者有些人兩樣都無勇氣去做而日日怨天尤人同樣被人看不起. 我當時諗我不想成為以上任何一種人. 所以, 當自我反省後....ANYWAY都要有份工作做, 我決定D大學生都未必會做既工, 例如保安, 我考定哂個D證; 諗住真係唔到就做住先, 即使輪班, 12粒鍾照做, 住7,8千先都好, 最後我真係有見過, 呃佢話我得F7學歷....需要份工, 個 SECURITY MANAGER話比8500我問我做唔做, 我話應該OK.......點知, 上帝係唔會趕絕人....之前一份IN 左3次後無乜回音既MARKETING工作話OK, 比個OFFER我, 我都無問咁多, 簽個陣先知係5 DAY WORK, 有13個月人工.....人工比之前少7-8%, 但已非常好. 我第日先REJECT 左份SECURITY 工.
一句到尾: 始終都要搵住份糊口既工作, 起嘛每月有得使, 另外. 除了錢, 工作令人投入返社會, 個人有野做, 人都會積極D, 唔會亂諗野. 老友, 你不會知道明天會發生什麼事? 但老土講句:機會真係要自己爭取. 你應該冷靜一下自己的方向, 萬一真的找不到, 也要馬死落地行, 拎得起, 放得低. 請記住: 任何正常工作不會令你貶低身份, 只有你待人處世態度才會. 祝你早日領會固中意義找到好工!!
共勉之.
