你咩國家先
我而家住緊o個度(英國)..........<哭>
唉..
哩度係個全職打工o既女人做host,
真係唔明佢全職點解都可以收學生,佢仲有個仔要湊添,
但要收成三四個學生但又冇時間理我地
平時一半o既飯都係叫佢個同我同年o既侄女煮
本來個費用係包埋星期六日+假期午餐,
但我一搬黎佢就即刻講定話星期六日假期唔會包
(但我之前住過o既兩家都有)
分明呃錢o者
食野方面..煮罐頭同埋D難食o既野
英國人食早餐有cereal同jam&bread架嘛
我問佢可唔可以有埋麵包佢都話唔得叫我自己買.
佢淨係提供cereal同埋long-life脫脂奶
其實我地三個學生都唔飲脫脂奶,因為太難飲,
佢都唔肯買全/半,因為佢自己要減肥就話只買脫脂奶
於是我地又局住自己買自己飲.(但明明個fee都包架嘛)
仲有最麻煩係佢收咁多學生,
太多人用一個廁所,
朝早會爭之外,
最討厭係有人用廁所用得好唔乾淨(男生!!damn,之前個大陸男,而家個韓國男!!)
即係開大之後唔沖廁,沖唔走又唔理走左去
跟住下一手用o既人(即係我同另一個女仔)要幫佢洗馬桶
有時就忍到番學校先去,因為個馬桶太核突
其他:哩個唔關房東事o既..不過都幾煩,
就係個bb成日半夜喊,成日嘈醒我
<<以上哩個係個孤寒o既例子.
所以..
搵家庭,你搵個得你自己一個學生o既比較好.
照顧你比較好D.
好o既就係我住o既第一家,
牙買家人.
煮野食好食到不得了.
又會得閒同你傾計教你初初黎要點做.
又帶我去學校同埋去市場.
同佢乎d女都幾熟,哈哈.
好想住番哩度.