珀麗灣無運行? 期望見到各位細心分析

大家好，其實開呢個題目有個隱藏題目係後面，就係
"自住緊要定係投資緊要"
大家慢慢睇下就會明。

細個既時候，我係住大埔，旁邊就係海(心水清既朋友應該知係咩樓盤)，後面就係山，夜晚望到一天星。大D既時候，就好想搵番呢D環境住。直到幾年前見到珀麗灣(PI)既樓盤，可以話同我心中既DREAM HOME不謀而合：望唔望到星我唔知，但最起碼條件差不多，又配合購買力。未來太太同我想法差不多，所以我地都有左第時住PI既念頭。

到到再大D既而家，開始從唔同方面得到樓盤選擇知識，都知道PI同加利仔一樣，有3個弱點：偏遠、隔涉、荒僻。車費係一筆唔少既開支，管理費都唔係平($1.8)，價錢上落落後大市，自住一流投資九流。但我(同未來太太)心都係偏愛PI，除左上述原因，未來太太係香港區番工都係其中一個因素(基本上佢份工都好穩定)再加上個度貴為"十大新晉"、"年流通18%"，我又唔太擔心佢保唔保到值，只擔心佢升唔升到值。即使如此，我都將睇樓既眼光放遠左，之前只睇PI，而家睇埋四小龍，盈翠....

而家我都幾矛盾，其實真係應該選擇PI，定係其他?
我地既目標都係300萬以下既樓...
各位BROTHER又點睇?
我亦有諗過租PI，買其他，咁各位又覺得點?
如果PI好似我身邊既人咁講到咁差，點解又可以流通咁高?
如果有住PI既師兄講下，就更加好。

感激！