發覺好多人唔係信o個個宗教就要反埋先安樂
我自己無信仰,但就無興趣反囉
人地信乜係人地自由,對於某d教徒經常說其他宗教不是都唔鍾意,己所不欲,自己都唔會反人
但咁係唔係所有教徒都係衰人? 我都有朋友信耶教,個個星期六日去做義工,算係身體力行,咁又點計?
每個宗教都有人好有人壞,何必針對
當咩牧師教徒做左d咩衰野就記住人地
咁人地做慈善又話有目的,做人做到咁陰謀論都真係好辛苦囉

"不擇手段得下三濫，用盡各種骯髒手法，將自家教義強加於社會文化，強行在制度上佔上道德高地"
以上所說我從不覺得,縱使從不同o既耶教朋友中有好有壞,但指責其宗教為"骯髒"則已經極其過份
先不討論異端邪教,雖然本地都有唔少教會,當中你所講o既極端相信只佔極少數
我都會對某d教會所作出o既言論感到反感,但並不能將一整個宗教歸納為"邪惡"

再說,惡行再多都好,我所睇到o既係佢地都有善行,
如果因為一個群體中有部份人犯錯就將整個群體定位,呢個係一種咩判決?
辦校辦老人院辦幼兒園各樣社區工作中,耶教都有唔錯評價,點解唔欣賞一下?
福音戒毒所邊緣青年協助等又係邪惡?

朋友中都有反耶,但比於只從網上宣揚自己一套更有勇氣
佢覺得有咩問題會走去教會中"質問"牧師,佢都話有d問題係會解答到,有d講完佢都唔明
耶教朋友問佢,佢都表明自己反耶,但從未見過佢會抹黑對方

當然你可以依然固我到處將別人宗教善行指為邪惡,社區工作定為粉飾

搞清楚,我從來無話過"因為耶教有不少善行，所以不能批判耶教的錯處",我唔知你點樣理解成咁囉
但"將別人宗教善行指為邪惡,社區工作定為粉飾"確實o係佢o既post裡面出現
無話咩批判唔批判,咁係唔係某個宗教當中有少部份人做錯事就係叫"邪惡"?
台灣某人貪污係咪全個台灣都貪贓枉法?

反基確實無問題,我都有朋友反耶,佢地仲會同耶人討論,當耶人解答到,佢都會虛心受教
但反耶反到要將一件善事講成有目的,就未免太過份

我都從無講過反耶=野蠻人,呢d咪惡意抹黑囉

你呢種係用比例去衡量

"納粹黨出了個舒特拉，是否代表納粹黨員個個好人?"  我覺得係:否
同樣,整個耶教中有某人偏激或者做錯事,是否代表整個耶教都係邪惡?

我無話要幫耶教講咩好說話,而且都唔到我去講,但當佢地真係有做到好事,又何必講到咁陰謀?