我太幼稚 ?
老實講, 我係一個好保守既小男人... 之前我都曾經出個post, 講我同老婆既問題.
1) 我老婆同我屋企人關係好差.
2) 我同我老婆係無性生活.
我與我老婆同個仔, 由於想搬近佢屋企人, 所以同我屋企人住得好遠. 但我老婆同我屋企人既關係, 就越黎越差... 我父母曾經山長水遠咁黎我屋企食茶, 想探個孫, 但最終俾我老婆搶走... 上次做冬, 我同佢嘈得好勁, 攪到又喊又叫咁, 我先搶到個仔返屋企食飯...(我自己帶個仔番去食) 今年三十晚, 佢仲講明, 唔俾我帶個仔番屋企食飯... 我真係唔知可以點做.
自從我老婆大肚, 我地已經好少性生活. 個仔出左世就更加無乜一齊瞓. 性生活一年我諗最多兩三次. 我唔想為呢d野嘈, 但係我始終係一個正常男人, 我唔想去滾, 亦唔想搵外援, 但我亦好難開口同佢解釋...
我老婆要工作, 我亦要工作, 我知道佢工作好辛苦, 亦唔想成日嗌交. 作為一個男人, 將家事攞上黎講, 其實真係好無用. 但我真係好辛苦, 一方面覺得自己好不孝, 一方面又覺得自己好無用...
講左出黎, 個心舒服好多. 謝謝 ~