只能在討論區發洩...

我生平第一次上討論區. 原因係有些事抑壓了很久, 但又不能和男朋友講.....

我和男朋友下年年頭就結婚, 但因為一D習俗的關係, 今年5月就會註冊...男友的家庭係極傳統的人..尤其係佢媽咪....講野極之刻薄...

我今年27歲, 0係一間上市公司做regional manager, 由細到大屋企人都好錫我...由讀書到畢業同工作都很順利, 身邊相識滿天下.... 坦白講, 無論性格,樣貌,  人際和工作方面 我對自己的評價也蠻高...

我和未來老公係同一公司, 不過08年尾時, 公司將佢調左去英國, 為期一年....市道不景下唯有接受...我的惡夢由此開始....

先由第一次上佢屋企見面講起....0個日上去, 我已經表現得比平日斯文大方一D...想不到, 當日他媽咪給我的評價是- 全完不合格...
原因1. 笑時露齒, 無黎貴格
原因2. 身高不到175CM (我169), 和男朋友不相襯
原因3. 家住新界某私人屋苑...被批評是窮人一族..門不登戶不對
原因4. 飲紅酒時, 我的唇膏輕微印了上酒杯, 不識大體
原因5. 皮膚太白, 唔健康

我聽到後已經很不開心....但由於深愛著男朋友....唯有忍....

後來幾經波折, 男友媽咪終於同意了我們的婚事...中間真係一忍再忍....唔講了....

男友媽咪要求我地註冊後到他們屋企住...目的係要谷肥我, 等我生BB, 同埋要將我調較做一個識大體的新袍...問題係, 我和男朋友自己都有屋, 註冊後雖然我男朋友不常在HK, 但我都應該返自己屋企住啦....點解要去佢到住?!

我話我結婚擺酒前唔想咁肥, 影相唔靚, 佢媽咪當住我屋企人面前話第一次見我時人老豬黃, 全靠經佢日日幫我進補後先似返個人..   ....我屋企人聽到後黑曬面...跟住男友媽咪話一定要肥先好睇, 最好要有埋BB...仲逼我辭職(因為我份工都要做到好夜), 話要為生BB 做好準備...但其實我同男朋友都無計劃而家要BB....但佢呀媽一到星期六日就拉我去拜神求孫....

有次佢仲當住我父母面前講: " 你地個女嫁入黎都唔知係前世積左咩福, 成日話驚肥驚無左份工而唔生仔...如果唔係我個仔鐘意佢, 我眼尾都唔會"哨"佢一眼...佢嫁入黎唔生仔你覺得佢可以做D咩呀?!".....  :smile_22:

我媽咪為此喊左成晚, 驚我第日嫁入去會好難做人....

唉, 講真, 我男朋友係一等一的好人....真係無諗過佢媽咪係D 咁GE女人...佢成日話佢以前奶奶對佢有幾咁唔好但佢都本著呀信的精神服侍佢奶奶....要同奶奶洗腳抺腳, 倒屎倒尿  .....佢話我要好似佢以前咁....而家咩年代呀....

佢話註冊後要搬去佢到住服侍佢, 每朝起身煮埋早餐比佢先返工 (佢地有2個工人...佢話要TRAIN我!...TRAIN我做工人?!:smile_22: :smile_22: ....) 夜晚又要走呢樣0個樣先可以訓....大佬, 我返到屋企都1, 2點啦....真係....

佢仲要唔比我去學跳舞(我學拉丁已有7年), 話呢D野係會害人....當住我男朋友面(笑笑口)話學跳舞的人唔正經...話我一定會紅杏出牆..:smile_22: :smile_22: :smile_22:


雖然我真係好唔鐘意佢....但佢畢竟係我男朋友媽咪...鬼叫我男朋友對我咁好, 我又咁愛佢咩.....唉...我呢D野都唔敢同男朋友講, 一個係呀媽, 一個係女朋友....叫佢可以點?!佢工作咁辛苦, 我唔想佢0係英國都要擔心我....

媽咪教我要識顧全大局...找到一個咁好的男仔真係唔易....可能上天因為我男朋友咁好, 所以要0係其他方面要我受返小小苦....我都係本住呢一個心, 先一直啞忍到而家....男朋友仲成日同我講佢媽咪點好點好.....唉...無言...

我真係好希望結婚後快D可以搬返自己屋企.....

有時我都會諗....結婚為左咩?! 如果我早知會係咁....唔知當日仲會唔會答應我男朋友的求婚.....