每個人係深愛佢既時候都會覺得無左佢唔得...
呢個想法心情,你..我...係度留言比你既朋友我諗都唔會未試過...
如果無呢種感覺既,我諗都唔會係深愛...
我都試過失戀幾次...每次失戀開頭..都覺得人生無晒意義..好似無左佢做人都唔知為乜...由其係第一次失去心愛人既時候...由其難受....
我都明白唔會係度講幾句就令你心情好番無事...但係你睇完係度留言比你既咁多位朋友...個個都想你明白,希望你可以振作...
一個唔專重情人既伴侶...完全唔值得你繼續去愛...我其實情況都同你一樣,我女朋友都係同左第個男仔一齊走左...我同佢同居左兩年幾...佢都可以咁...你話我唔愛佢?唔會羅...不過我唔會挽留....一個變左心既人真係可以係第二個人咁...到而家同佢都分開左3個幾月,都仲有掛住佢...不過已經好左好多,已經無咁唔開心...
其實時間同朋友絕對可以幫到你捱過呢關...多d搵你既朋友,出街玩下...而家既你雖然唔會有心情出街玩,但係你可以打電話俾朋友傾訴,當然最好可以當面傾啦,有人傾訴下,個心會舒服好多...待心情再緩和d既時候就多d出街...到你真係忘記晒唔開心...再搵到第段感情既時候...你就會發覺其實你而家好傻架喇...
堅強d捱過去...男仔黎架嘛...少少挫折都難到你?大個仔喇..加油呀~~
