本人係獨子.下年會考
有2個家姐. 2個家姐都唔會比家用 而且2個家姐都搬晒出去. 2個家姐搬左出去都有幾年時間
父親由細到大都係屋企既經濟之柱 父親經濟收入穩定 但係都快60
宜家父親份糧就係用晌我地一家三口 剛搬屋. 要供約8000/月 收入約2萬. 但係最唔明既係...
照道理應該能剩多少私己錢...
但係. 父親賺到既錢 認為唔應該洗在吃喝玩樂..
佢認為洗係呢d錢 會唔見得好快..
有假日既時候 近近地一d小旅行都唔會去
佢既字典入面就好似冇"享受". 我有時真係好大個疑問..
自問屋企條件好滿足 雖然未到富有 起碼衣食無憂. 而且有一d私己錢剩
但係相比起人地屋企環境比我們差.. 都會間唔中去下旅行仔.
最離譜既係. 父親連申請百多元既收費電視 都會好激昂既語氣拒絕
雖然每個屋企 表面永遠都係好風光 有苦自己先知..
但係父親既行為會唔會過份眼緊呢? 定係個個屋企都係咁..
我自己諗深一層..d錢係佢賺 而且佢都有盡做父親既責任.
一分一毫都係血汗錢. 所以佢咁眼緊. 我都唔應該奢求咁多
有時真係唔明佢既想法
如果真係冇能力 點解又要搬屋..加重自己負擔

以上都係純粹發洩 + 希望大家指引下我對我父親既想法

明白lu.
re:我指果d收費電視只係一個舉例姐...