o岩o岩過左的星期日係我老公生日, 咁我就特登去整個蛋糕, 諗住俾個surprise佢.

點知佢收到後冇咩反應, 好鬼冷淡 (我第2次整架咋~"~). 切完同食左就算. 一路切果陣我就一路問 : 靚唔靚? 知唔知係咩味? 好唔好食呀? 咁....

問一句答一句............好似唔想食咁. 唔好食或者唔開心咪出聲講囉, 又冇喎. 最後頂唔順哭住問佢仲乜咁的反應, 佢就話 : 我一向都係咁~鐘意唔會讚, 但唔得就會彈. 咁我冇彈咪即係讚囉.  同埋佢話生日其實同平時一樣, 冇咩特別, 所以唔覺得要慶祝

但我生日果陣佢又會送驚喜俾我架喎 (佢話因為佢知我鐘意.............. )

唉, 講講下依家都仲嬲嬲地  你地的先生會唔會咁架..........!_!?

~o~原來大部份的男人都係咁......................咁佢下年生日我都係唔理佢好了, 費事激親自已