口口聲聲為兒子...
但...
我想問...
除左自殺...
你做過乜野?
你講得出忍心兩個字...
就唔好同我o係度問你老公當你個仔係乜野!
你又當你個仔係乜野?
可犧牲?可放棄?
去到呢個位你仲問緊冇左你老公既世界會點...
你唔問下你個仔:佢老豆走左,佢阿媽自殺...佢應該當自己係乜野?佢個世界又應該係點?
你死得成,你老公走得成...佢要點諗?
好彩既俾個男人養住...成世做人地"油艇仔"好過癮?
唔好彩既,做個有老豆既"孤兒仔"...
我當你廿歲人,都仲講得出唔識照顧自己...
先不論你既自我照顧能力同負面情緒處理能力...
咁你想個仔點照顧自己?
你自己就有資格問人點照顧自己,有資格要求人地照顧你...
唔通你個仔就冇資格過問?
你老公做第一個不負責既人...
你就做第二個...好一對冇責任感既模範夫妻!
除左牽涉對象唔同之外,你同你老公...有咩分別?
為個仔諗過?唔好笑大人個口...亦虧你而家事後仲厚顏無恥講得出"家中的囝囝又點好?"...
------------------------------------------------------------
你如果真係咁深情咁感性...
唔該你將你既感情分配重新調配...
就算過往你將99%感情投放去你老公,0.5%你自己,0.5%你個仔...
咁而家你就將75%擺落個仔度...25%擺落自己度...
------------------------------------------------------------
至於o個個於法律名義上被稱為你老公既男人...
你聲稱"佢有女朋友"...
我個人偏向懷疑:以樓主咁偏激既性格處理/面對事件...
是次事件既真確/準確性有幾大?
請樓主補充"佢有女朋友"既支持點...
