真係好憎我老豆!

Sorry~ 我冇睇哂你篇野... 不過見到你話好憎你老豆, 我都有少少野想講

我曾經都有段時間唔太喜歡我老豆, 佢以前又返工又去玩, 見面時間已經唔多, 我最想連0個少少時間都冇.  到讀中學大家關係更差, form 2仲俾佢打, 只係我做左d野唔合佢心意, 佢唔會聽我解釋, 打打鬧鬧已經係家常便飯

而家, 我同我老豆既關係已經好好, 兩父女可以坐埋一齊食飯傾計三個鐘都唔夠喉.  佢每兩個星期就會搭車過黎我屋企探孫.  佢又會好記得我講過既野, 佢知道我學影緊相, 又好有心機搵呢方面既資料俾我

我知道我係好彩既, 我亦都明白有d關係決裂左就冇可能修好, 所以我都唔會同你講埋d廢話, 叫你體諒你老豆

凡事冇絕對既, 或者都可以0係呢件事諗下一d正面既野啦.  好似你老豆咁對你, 你將來就更加知道點樣對自己既仔女