用恆商快成立私立大學來討論珠海學院

其實唔駛咁擔心，恒生商學院要升格，仲有好耐時間，而且未必會成為大學，因為佢地要開到十個學位課程的困難，比珠海大好多好多倍。

至於珠海，大家成日話學校無心去搞升格，又話學校以生意角度去營運，咁我用一個生意角度去同大家分析吓：

而家間間學校都話升格，珠海本身好有軟件條件，但問題係地皮的問題，你地估學校唔知而家塊地唔夠用咩！你估學校唔知有新校舍可以正名快啲、收多啲學生咩！你地估學校唔想快啲有新校舍、收多啲學生，做多啲"生意"咩！

在商言商，香港買地唔係一件易事，你買到山長水遠，根本唔會吸引到學生讀，比起其他私立學校，完全唔會有競爭性。另一方面，市區地皮的確好貴，所以學校而家係以"同政府協商"的方式申請土地，呢個或者係唯一辦法！

老實講，我九七年入學時已經話起學校，我嗰陣都想有新校舍，但當我明白到搞一間學院唔係易事的時候，我對學校的埋怨已經再無晒，反而希望可以盡一分力幫學校！