老公話同我一齊係還債???

我同老公一齊差不多十年,有個小朋友.一開始同佢一齊時佢無嘢做o架,係我養佢,到近呢幾年佢先有正職,仲越做越好,一個月都搵唔少!!!男人一有$就開始身痕,佢曾經對我不忠,但我原諒咗佢!!!呢件事對我嚟講真係好大打擊,我用咗好多時間慢慢去忘記,對佢有返信心!以為有好日子過啦...點知近排因為佢朋友有d事,佢就要bon佢個朋友睇住間酒吧,係唔使錢入股兼有錢收個隻!佢都有問過我好唔好.其實我係反對,但佢又話咁又話咁,我唯有妥協,但有個條件就係星期五六日都唔可以落去,要比返d時間陪我同小朋友!!!佢應承咗.咁好啦比佢做啦!!!!但第一個星期五佢已經做唔到,同我講話有人生日係度攪,點都要落去睇睇,已經嘈咗一輪,佢都要去咁我就要佢1:00前返家,佢梗係話好啦,但又係做唔到,我就係咁打電話叫佢返嚟,最後成2:00幾先返到嚟,我都無出聲,點知佢居然發難話我崔佢返嚟,唔尊重佢等等....我火都嚟埋就同佢嘈!!!唔知係咪酒後吐真言,佢居然話:我而家唔妥你呀,同你一齊係為還債啫,我做酒吧係知會你一聲,而唔係要得你同意,而家我又唔係無錢比你,我嘅嘢你最好唔好理咁多!!!!聽完之後我成個O咗,都無再出聲!!!原來一齊咗咁耐佢唔係因為愛我,而係為咗還債?係呢一刻我個心好難受,都唔知點算好???