男人留長頭髮 我唔討厭
男人留長手指甲 我都無所謂
男人打下粉底白正少少姐 我亦都唔介意
但係眼線畫到行晒 個頭炸到飛起晒 (GEL鬆少少唔得架咩= =?)
唔單止令到路人側目 老實地影響左香港市容
舊年萬聖節 係TST海旁 ... 嘩 ... 成班友好似百鬼夜行咁
初初Visual呢樣野係香港出現 (我唔識得你地既用詞 更加咩飯咩飯都唔識 字面博士勿插)
係好特別 未見識過既朋友仔會覺得好型 好新鮮
日子過後 反而會覺得好討厭
(嘩= = 點解次次出親旺角 佢地都係某個某個公園到既?)
屋企唔番 日頭見到佢地 係旺角大街行Show咁
凌晨見到佢地 係公園V哇鬼叫飲酒打啤牌 係M記又霸晒一角 俾成日俾小混混挑機
(當然 我講既唔包括香港地下幾個Visualrock Band 見到佢地 都係應該出完show打邊爐姐)
父母會擔心 但係時下年青人 會理得佢地死咩?
有錢俾佢地就係父母 無錢俾佢地出街就係仇人 (我唔係指全部 只係大部份)
老老實實 潮流過左去咪算囉 Visuallook呢樣野 係香港真係好令人反感
有人話Visuallook呢樣野係用黎溝女 個個"Visual仔"都矢口否認
問心啦 問多次清清楚楚啦 唔係咩? 除左懶係型同埋吸引異性 仲有咩用?
唔排除有覺得有人日子無聊 裝扮怪異去引黑幫挑機而過住刺激人生
想溝女就汁番正個樣啦唔該 ... Visual仔狗公呢個型象己經深入民心啦 ...
另外細蚊兄講既野我就有所保留
因為我好小見到d疑似Visual仔上Band房同埋似係玩音樂 所以唔討厭
其實個個Visual仔話走去夾band 先唔好話上左去玩先
連租band房既錢有冇都成問題,,,
如果因為Visual而鐘意玩音樂 無所謂架喎
音樂世界好大 可以學識多樣野 或者遲下會轉玩其他類型既音樂呢~
如果玩耐左仲要堅持Visuallook既話
有手野係身 都唔會俾人插得去邊既
多小小人玩音樂 那怕是多三兩七人 都會使我地既音樂世界變得更大
(以上以個人觀感為出發點 有意勿插 樂意討論)
