我唔覺得用英文教個d會值得你讀...
1) 呢d國家本身唔係用英文, 你"用"英文讀, 不如係香港讀, 香港都係英文大學
2) 又因為咁, 想留係歐洲大陸d大學讀書, 升做研究生, ...咁梗係除非你讀黎讀去都係英文program, 用英文寫論文, 完全冇需要係學術度用當地語文, 否則..... 讀完一個咁既program, 再想升學, 就發覺都係要學當地語文
3) 咁如果係法/德/意讀左一個用英文讀既degree又可以點? 我唔係好明喎... 點樣證明自己係呢d國家讀? 例如去得法國讀, 你都預左想同法國有少少聯繫, 但係又"唔識法文"既話, 用英文讀到個degree又有咩用?
免費教學係幾吸引, 不過代價就會係設施唔好; 香港d學生每年畀咁多學費, 都唔見得香港d大學設施好犀利(個別啦)... 聽聞歐洲某d大學, 會係比較少電腦用, 上網服務又比較有限, 唔似得某d本地u咁年年換電腦... 呢d睇你中唔中意喇
點睇都好, 我自己都好想有呢d升學計劃, 但只係覺得去歐洲讀書淨係搵d乜野英文program, 係冇咩意思, "識埋"當地語文先有意思(口語, 書面語, 同埋學術用語), 呢d野自修啦... 假如只係想英文進步, 留返係香港都得. 唔理係咩文, 根據我既見聞, 假如冇認真自修外文既話, 唔理你係報邊d英文program(係英文國家或者歐洲大陸), 只怕都係用broken english過活. 而家呢d大學只會愈來愈多國際學生, 但係好多人往往都未真係"精通"英文.
不過平心而論, 英文既入侵已經非常嚴重(香港冇得救, 歐洲都開始變緊), 我都知道好多歐洲語言大家都好陌生, 連有咩途徑初學都覺得好似好難(其實都唔係.. ), 但係由於自修都要花好多時間, 假如冇咩特別強大既推動力, 或者誘因, 我都唔覺得讀法國/德國degree有咩大既意思... 通常讀得都預左會做同呢d國家有關既行業, 否則就只好留返係香港磨
