小弟反而覺得訂最低工資真係冇咩用喎(可能小弟社會經驗尚淺啦~)
因為小弟而家一個人住深水"土步"套房(暫時未有能力交稅)剩係最基本既衣食住行都岩岩好者
但反而覺得而家咩咩機構d大老世真係"夾得就夾"唔好話百佳點衰點衰,
惠康買野咪又係愈黎愈貴,可能相比較其他"華x""嘉x"或者雜貨鋪都好買野價錢差都唔少,
所以小弟覺得最低工資就算訂夠1萬又點者,到時會唔會出前一丁7蚊包?m記40蚊個餐?
大家不妨留意下7仔買支汽水已經接近10蚊喇,但點解雜貨鋪有d仲可以賣6~7蚊支?
最近期電盈大家都應該知咩事啦,公司如果亦字就話咩咩共渡時艱者,
又可能係小弟主觀既睇法啦,因為小弟正正係外判既師傅,唔講冇底薪先啦!
而家做一張單多既有百零蚊,少既3x左右,對外講就話減1~2%,但判到我地
既話最少都減10%
可能近期真係負面新聞比較多啦,但諗深一層,最低工資就算正常實行,咪只係
益多d大機構既老世...到時樓價又可以貴d,賣消耗品又可以食水深d,
無論打工仔又好老闆仔都好,其實真係冇咩分別喎,真係得個做字.
唉,不過打得工既咪又係只可以係度發up瘋咁媽幾句,況且小弟暫時都
仲未係納稅人,有冇資格出聲都成問題啦~
