旺角太平正一係禽獸不如既診所

呢間太平道XX診所, 我都領教過!
以前佢未發圍時, 都有d好醫生, ok 架! 但自從搬左, 做到好有規模時, 商業味就好重喇! D新既醫生同姑娘就好似做到好麻木咁, 絕對稱不上有愛心!

話說上年夏天時, 有朝(約7:00幾) 我個大仔比黃蜂之頖既昆蟲針親, 我驚有毒, 所以咪即刻去太平道 XX診所睇急症囉! 去到同個登記姑娘講出事發情況同沿途狗狗既反應, 點知佢整句過黎 “睇急症要起碼 $1200,  有無問題??”, 我既感覺係咩都以錢掛帥,  而且我亦無問幾多錢!  OK,  由於我愛子深切, 幾錢咪幾錢囉!

好喇, 入到診療室, 見到一個十分之年輕貌美既醫生(有點像利嘉兒)同一個青春少艾既姑娘, 個醫生由頭到尾只係坐係張椅度好求其檢查,  而且個姑娘只係好似碌木咁企係度, 唔會話從旁HOLD 住狗狗, 個醫生仲話 “主人自己HOLD住隻狗”!
佢只好簡單咁睇下, 之後打左支抗敏感針, 比左 D 消炎藥就打發我地走!  感覺一 D 都唔專業.