討論：格鬥中旋轉拳的實用性

小弟路過，見師兄講「螺旋拳」，有興致咁講d野。唔高興勿插，適當討論吧。

首先，螺旋拳我見多在西洋拳方面。試睇睇，人地重量級三百幾磅拳手打得出四百幾磅既拳力，原因係咩？螺旋既作用功不可抹。先了解螺旋既原理，師兄們可以做過實驗：一拳直崩崩咁打埋黎(約一百磅力)你要格開(假定用100磅力)咁應該唔係難，如果用一百磅力既螺旋拳打埋黎，咁你用一百磅既力去格開佢就會更難，除非你同樣用番螺旋力去格開。點解？你可以試下用屋企電鑽做過實驗，插住鑽頭，唔開著佢，用木筷子按住個鑽頭，佢會無事，但你一開著個鑽，條木筷子會彈開。呢個再配合拳力鑽入人體裏，就成為高功擊力既拳理。樓主話360度先叫旋轉？錯啦，只要條中軸有轉動，已經係叫螺旋，要用螺旋拳，唔止拳頭要旋，仲要配合全身關節既轉動才可，例如，後腳發力，咁你後腳既關節就會轉動，發力，經過腰、肩膀、手肘、手腕、拳眼，先到對方人體。你諗下中間過程要幾多個關節？呢個係發力既原理，以科學力學去解釋就係咁，一個人既動作不論行路蹲下都係合乎力學，唔會做出超過原理既動作，例如你個頭唔可以360 度轉一圈，其至180度都唔得。