有野想問下大家~請入黎呀~唔該

我想問下米色既波斯貓幾錢到?
其實價錢真係有平有貴, 很難講.
同理買一套貓用品加理隻波斯貓幾錢到?
用品來講基本,你預一千左右,係連埋糧等等.
係旺角/銅鑼灣有冇咩良心店有得買波斯貓咁?
旺角就NO啦, 銅鑼灣就真係睇下你彩數啦, 係一係上網搵D信譽好個D.
係愛護動物協會幾多錢一次身體檢查呢?
基本檢查只係二佰幾(我隻囡之前剛做完,不過就唔係係愛協,因為我都唔覺得愛協平)
日日同隻波斯貓沖涼可唔可以甩小d毛?
貓不同人,不需要日日沖,長毛可以3-6個月沖一次,總要睇下天氣而定,盡量唔好冷天同佢沖,怕會冷到佢.
我睇d貓書話波斯貓唔會跳黎跳起,係唔係真嫁?
我只係見我朋友隻波斯就比較定,不過都係會跳上跳落,只係比其他貓冇咁活躍.
波斯貓夜晚會唔會好似其他貓咁狂叫嫁?
如果細隻係困佢入籠,好多貓都唔鐘意係到叫,同埋叫春時期.