時值暑假，家長想替子女找補習導師，學生想搵暑期工，但網上一窩蜂的補習網，家長和學生胡亂登記使用，隨時付上沉重代價。
讀者投訴較早前登記
http://www.hottutor.com.hk/（熱誠補習），職員陳小姐迅速回電，介紹五花八門的補習個案，以時薪高及堂數多作招徠，為一小四學生補習時薪180元，每次一個半小時，每星期兩堂，並即時電郵作實，要導師兩日內繳付首兩星期學費一半作為佣金，即540元。『我初時都覺得奇怪，根據一般學費市價，小四學生補習時薪冇咁高，但佢又話我背景好（導師為外國留學生），話現今家長願意為子女付出多點，希望導師質數高點。』
豈料第一堂，學生家長即場否認曾經要求Hot Tutor為其介紹導師補習如此多堂數，及否認願意繳付如此高時薪。
『當時個家長當然即場致電Hot Tutor對質啦，但個職員陳小姐已經失蹤，由一個態度語氣非常之差既紀先生接聽，又唔承認又唔否認有陳小姐這個職員，答覆無稜兩可。總之就要比錢，唔比就告我，話當初個email就係agreement。』
最後導師表明不會接受此補習介紹，並即時離開。而負責人紀先生就堅持此乃『第一堂』，硬要收取半堂學費90元（即0.75小時的金額）。『佢不斷重覆話當初個email就係agreement，又話自己條款列明導師因任何理由辭職，都要比佣金，而自己就不會負任何法律責任云云。做生意做到咁，即係導師上門時遭受性侵犯，介紹人／公司都唔需要負上責任啦。佢既不平等條約咁保障自己，只係要錢，我即時離場，無收過學費都要我比佣金，好似比人困住去搶咁。我堅持唔會比錢，叫佢去小額錢債審裁處告我，我會索償番佢車錢，睇下個官點判，佢即時冇聲出。』
但讀者其後多次在半夜收到騷擾電話，其後要更換電話號碼才平息事件。
********************************************************************************
我試過一樣既問題
幾年前係Uni Year 2, 幫個靚仔補左4個星期習
之後無補, Hottutor, 話要我比一半佢, 我話下, 唔係ma, (好似80/hr)
我同佢嘈, 話寫明如果一個月由家長提出唔補,會比d車馬費比我,
我之前有個學生, 補左一堂就唔補, 佢亦無比車馬費, 而且個一堂我一毫都無.
佢chi sin 到半夜打去我屋企, 搵我呀媽....
又話我唔比返個一半比佢($40x4=$160), 又呢又路
手法極有問題
各位同學仔要小心d
P.S. 都係係百x, 惠x 貼Memo 好d...又唔洗同人分
