我係一個大男人..我同我女友相處了十一個月(同居)
曾經有好多經歷..亦試過好多未試過既野
我地都過住好平凡好悶既生活
我係一個"波牛"我試過為左足球而忽略左佢好多次
我既職業係半職球員..靠車馬費同獎金有些小收入
當然不足夠我倆生活支出..我每個月都會問媽媽拿錢過生活
其實我每次拿都好過意不去..所以我已經報讀海上課程搵份正職(但要9月先有)
以往佢係做part-time..所以我地有好多時間相處
近幾日佢轉左新工..係髮型店做接待員
因為我係個大男人..所以好不滿佢每天都要被髮型師剪頭髮建立型像
我當然不滿佢既工作..但我既清晰話我知
佢係個女仔..需要金錢購物..生活想過好d
自從佢返左呢份工後..我晚晚自己落街飲酒
然後等佢回來...亦在這幾晚我哭了無數次
因為我覺得同佢既感情好似不同了..老實講真係淡左
而我昨晚亦有搵佢傾過..佢都覺得係淡左
佢仲話唔知而家同我一齊係愛情定感情
覺得我同佢似係朋友關係
佢又話想分開下..但又唔想分開
我知佢仲有鐘意我...但我地都諗唔到d咩解決方法
我好後悔以往對佢既執著..我縛得佢太緊
令佢好有壓力..再加上工作既壓力承受不了
而家我已經失眠左幾日..我好唔開心
想問有咩解決方法...係未真係要分開下
我同佢個心一樣..我覺得好似要分開下..我又唔想分開
真係好...唔識講..
多謝你地細心睇..希望比d意見我

引用:

我好明白你既感受...
半年前我同我男朋友都係咁....
因為我做左多份工(parttime),我男朋友好唔鍾意,所以果時日日鬧交,個個星期講分手
最後我辭左其中一份工...我地兩個亦好努力去維繫感情
做好多熱戀既時候做既野 ...

我都想有咁既嘗試.我都試過對佢好一點.但佢覺得好假..
我真係唔知點做..多謝你

引用:

既然咁大男人....就努力D搵錢啦...接觸少左磨擦少左...可能會發現大家都好掛住對方呢...

我都明..但我驚一去無回頭..

引用:

一去無回頭?

係...我驚分開左之後無得一齊返

引用:

但勉強去留住佢咪盞屈住屈住...大家唔開心, 而你自己都唔好再咁依賴.....

我覺得我今次好難抽離..我真係真心

引用:

同佢傾下la
我相信你係真心想改變自己,先又讀書又出呢個post
但改變係要雙方面...一個人去默默耕耘,改變唔到雙方既關係ga

我真係有心去做..但因為我說話唔係幾好..有好多時會被人誤會
因此我都驚講多錯多...而且我都好想佢信相我一齊渡過呢個難關
但我唔識點表達..為有做..但我做出黎個d..可能佢又感受唔到