曼聯怎麼辦？

大戰國米在即
後防唔係受傷就停賽
剩低球員又唔係太俾到大家信心．．．

維迪唔駛講

原本諗住李奧拍下伊雲斯都ok
點知尋日一來表現麻麻、患得患失
二來後尾仲傷埋
依家都未知點．．．

剩下落黎的有布朗同奧沙
前者今季一直傷
狀態好成問題

後者唔係話唔好
但近幾年轉身愈黎愈慢
對住好靈活的伊巴同阿祖
真係無咩優勢
除左身材較高比較為令人安慰

再數一下

已經係加利仔
唔數佢慢或者唔夠快等等
好多巴打都講過
佢復出後出腳都幾狠
放響中堅位其實好危險

今日響討論區見到篇文
話可能會排出以下呢個陣
法比奧－李奧－艾拉－拉菲爾

睇完都嚇左一嚇．．．
艾拉助攻係好強
但制空力真係麻麻
相信唔係幾「頂」得住國米d高大前鋒

至於兩兄弟
細路係好有潛質
但輕出到得人驚
大戰當前
我真係寧願出加利仔
大佬方面
今季睇得唔多'無咩特別評論

不過如果兩兄弟加艾拉
俾人既感覺好似得番李奧防守咁．．．

真係死得

大家話點算好？