1988年九鐵接辦九巴元朗、屯門區內路線一問

以下鐵路公司為兩鐵合併前之稱呼，敬請留意！

之前在Youtube睇番以前D舊新聞片，其中一集係講地鐵公司開辦地鐵接駁路線，引致九巴、中巴及專線小巴強烈不滿，話地鐵公司會搶佢地生意，之後城巴於英國購買丹拿巴士，準備開辦地鐵接駁路線，但被遭運輸署否決開辦。九巴及中巴把地鐵公司申辦的五條路線接手經營，但呢五條路線(九巴5M，11M，40M及中巴23M，24M)都逃唔過取消的命運...

睇完後，本人忽然諗到1988年輕鐵於元朗，屯門區服務、九廣鐵路接辦九巴元朗，屯門區內路線及“輕鐵專區”條例的一連串問題，望各位被友幫忙解答：
1.在八十年代，政府於元朗、屯門區興建輕便鐵路系統(輕鐵)，當時九巴有冇反對九鐵興建？
2.點解九巴願意將元朗、屯門區內路線(55，56，59，59B，61，61A，62，63)交由九鐵營辦/取消？唔怕被九鐵搶佢地生意？
3.在接辦路線時，點解連專線小巴路線(44[第一代]，45[第一代]，74A)都可以接辦/取消？究竟接辦路線的程序、商討細節係點？
4.九巴54號路線都係屬於元朗區內路線，點解九鐵唔接辦？九鐵可以似K65，K66呢D鄉村路線經營...
5.九鐵當年接辦九巴的路線，點解九巴仲肯借車比九鐵試車/路線？駛唔駛收錢？
6.1988年輕鐵通車後，九巴在果年虧蝕了幾多錢？
7.點解有“輕鐵專區”的條例？是否保障九鐵？
8.在“輕鐵專區”生效時，有冇曾經試過乘客與九巴司機衝突的問題？
9.你覺得“輕鐵專區”對九巴/九鐵黎講係好定壞？
10.如果香港冇輕鐵，整個元朗屯門區都依靠巴士出入區內的話，而家兩區會變成點呢？路線、用車也如何呢？

開post的原因係本人對元朗、屯門區的交通發展有感興趣，藉此知道有關交通發展的歷史！唔該版友解答以上10條的問題，thx！！！