不一樣的媽媽

昨日睇完學警XX呀周海媚諗起呀花師奶唔認佢之後諗起我個FD,其實之前都喺度講過佢D嘢,
雖然我都知咁講佢唔係好啱,但我又真係唔抵得佢呢個行為!
話說佢同前夫有2個仔佢哋離婚時佢已經唔係好想要2個仔,但男家講明只要大仔唔要細仔(可
能懷疑個細仔唔係親生啩!)而佢現在老公表明唔接受大仔只接受細仔,咁所以佢從始大仔跟前
夫,細仔跟佢,而佢又同現任老公再生一個仔,即佢一共有三個仔............
咁有一次我哋幾個朋友出嚟食飯,咁我哋全部都知佢嘅事(包括佢現任老公)咁其中個朋友叫佢
第二個仔做細仔,佢立刻「抖正」朋友話呢個係大仔,另外果個(3仔)係細仔,咁朋友又好唔醒目
咁講:「唔係,呢個係細仔(指2仔),呢個係細細仔(指3仔),你仲有個大仔家痳!」咁我果個3子之母
嘅朋友竟然好發自心中(我覺得)話:「咩呀!我得2個仔之痳,大仔同細仔係哂度囉!」我哋成班全
部無聲出,O哂嘴.....................
早幾日同佢飲茶佢又係喺度叫呢2個做「大仔」、「細仔」,我真係忍唔住兜口兜面話佢,乜你真
係當XX(大仔個名)唔係你個仔?呢度無其他人你都係咁?之後我同佢都無出聲,然後佢話佢都唔想,
不過佢唔想俾2仔知喎!之後我哋大家都無咩講嘢就走咗................
我都知其實唔關我事,不過唔知點解我個心好唔舒服,好想鬧佢一餐,但又諗可能佢真係無能為力,
不過咁樣話完佢,佢可能都唔會再搵我 .....................
大家,如果你係我朋友個大仔,你哋會唔會原諒呢個呀媽,還是憎佢一世?