一個大家要小心的菲傭!
大約一年前我屋企請左個菲傭, 叫Wendy,佢肥肥地人望落去好nice成日笑!
本身開始都相安無事, 大約3個月開始, 發覺好多問題。
1)變到勁懶 ..... 表面望落去好似幾乾淨,望真d士多房D野亂擺亂塞
2)幾個月唔抹窗同洗窗簾,竟然比我見到窗邊有蜘蛛網(屋企有工人都竟然有蜘蛛網......我好無奈)
3)屋企突然多左好多曱由,我先知原來梳化底應該無掃........養到D曱由肥肥白白....唉
4)我屋企廳中間櫃原來有白蟻,竟然比D白蟻蛀到個櫃好大忽先發覺,(仲要係我拎VCD發覺)即係代表佢好耐無執過個櫃,連開都無開過(最嚴重)
5)人表面好NICE,但有次我出門口番番轉頭比我聽到佢同我屋企既小朋友講野...係好惡既聲!同平時完全2回事,呢D咁假既人留係屋企真係心寒
6)比佢既買送錢,我計極都唔明,點解一日兩個人食既野,(唔計買其他雜野),每日要使200蚊
7)仲要LUNCH佢勁鐘意煮面比屋企小朋友食,話佢鐘意食,其實自己懶煮飯
8)8點半起身,每晚見到有人番黎就走上床訓,下午又訓晏覺,有無咁鐘意訓呀?有無咁訓得呀?
最最最嚴重一樣!!!都係我要係呢到開POST既原因
就係佢走左後我發覺屋企唔見左好多唔係成日用既野!!但肯定唔會係掉左既
例如整"飛碟"既機... 聖誕裝飾... 同埋小朋友唔多玩既玩具
最嚴重果樣係朋友借比我地既電話,連叉電器都拎埋走,好過份
累到我地要賠錢比朋友,真係十萬個無奈。
其實我地屋企人真係對佢唔差, 好似見到蜘蛛網,白蟻,我地一句都無鬧過佢,只係叫佢抹番D窗
有時我諗起人地離鄉別井咁慘,都覺得應該對人好D
但係而家真係唔會咁諗,我地對佢好,佢竟然咁對我地!好在我早叫佢走,如果唔係........ 唉!
我嘗試接觸佢而家既主人,但係接觸唔到, 懶都唔係最大問題
我唔希望再有人發現比佢偷野, 果種感覺真係好無奈
如果有人發現身邊朋友既新工人叫WENDY, 或者你地想要佢再深入既資料,可以問我!
