請教各位有關深井屋宛??

係呀，入得深井住，就要好似那位P兄講，交通等考慮放埋一面。有興趣不如去深井專區討論啦。
不過回覆P兄的麗港城建議。未知P兄有無住過，我自己就住了一年28座1X樓，664呎，景觀向山，一流翠綠，不過鑽石廳，部電視永遠對唔到梳化，如果你有研究音嚮就知問題所在。
三個窗台，真係大到無朋友，係足夠放「好多」「好多」雜物上去。我見過有人放部單車上去。
我諗住過麗港城的朋友都知，水喉出水帶黃的問題，一定要換。
不過兩間房的呎數好合理，可以放到QUEEN SIZE床，不過無論點放，你一定會見到對面的房，而最大問題就係D牆真係薄到離譜，我以前都講過樓下打牌，對家吃D乜，同鄰居打仔你一定知。
講交通，我比較身痕，無論住邊都係最鐘意揸車，但後來自己比較，原來麗港城得一架234X最方便，去到尖咀，其它的交通嘛，一般，起碼對於我來說，算是不太方便。
最後如果朋友想由深井去銅鑼灣，選擇唔多，962B去到金鐘，轉車就係了。
平均10分鐘2班啦。