其實好多sales都態度好好, 灣仔, 尖沙咀, 銅鑼灣, 遇過不少又有禮貎, 又有耐性的sales.
將心比心, 人地都係打份工. 你客客氣氣唔好抱住客人大Q晒的心態去問嘢試嘢, 對方亦唔會無端端俾面色你睇.
sales總有乞人憎的, 但唔係只在通利才有吧. 去百老滙, 咪一樣好多只有心機做大陸客的sales, 有乜好投訴.
sales靠生意額來搏表現, 唔係靠幾多人問嘢試嘢嘛!
有錢買嘢, 仲要係買得多又爽手, 幾時到啲sales俾面色你睇.
成日去混吉, 問完又冇幫襯, 調轉自己係sales都會黑面啦!
仲有樣嘢, 通利啲sales有啲都係騎牛揾馬, 根本唔尊重自己份工, 隨時預咗唔做, 呢啲人, 你避開佢地就得.
總之, 去到買嘢, 通利又好, 邊度都好, 真係買嘢唔係混吉嘅, 如果個sales黑口黑臉, 就大大聲講 "唔該我想揾第二個來serve我, 或者叫你經理出來." 盡情行使客戶的權利. 而唔係上論壇吐苦水.
講番十幾年前, 情況也一樣, 有一班相熟sales服務態度OK, 也由得我試嘢沒有黑面的.