UFunFun 討論區 - Powered by Discuz! Board

標題: 教院升格大學觸礁 [打印本頁]

作者: 震撼景像 時間: 2009-2-18 07:39 標題: 教院升格大學觸礁

(星島)2月18日星期三 06:30
(綜合報道)

(星島日報報道)大學教育資助委員會昨向教育局提交，檢討香港教育學院正名為大學的研究報告。雖然報告否決教院於現階段以單一學科的形式正名大學，但認為教院可朝與大學合併或多學科大學方向發展，並建議政府每年額外撥款至少二千七百萬元，以及不少於一億元的一筆過款項予教院，開辦其他學科及研究生課程。教院雖對未能即時正名失望，但有信心在三年內可成功正名為大學。

　　「香港教育學院《發展藍圖》檢討工作小組」上月完成報告，教資會昨公布報告內容，指出教院目前未有足夠及適當的條件成為一所大學的三大原因，包括欠缺多元學科的環境；雄厚的研究實力；以及除師資教育外，其他課程的自我評審資格等。工作小組擔心，教院於《發展藍圖》提出的發展方向及建議，未能令該校真正轉型及大幅改善香港的師資教育。

　　小組又憂慮，若教院大量開辦自資課程，會分薄管理和人手資源，無法專注處理更重要及適切的事務，包括「三三四」新學制，令轉型過程會分外艱巨。報告又批評，教院的《發展藍圖》過於倚重大學名銜來推動改進和變革，而非主動自我增值。

　　報告就教院未來路向提出四大建議，教資會主席史美倫表示，教院可考慮兩個成為大學的方案，包括發展成為一所着重教育及提供其他相關學科的多學科院校，除教育學科外，開辦至少三項其他學術課程；或與一所大學合併，但必須雙方願意。她強調，報告並非否定教院過往的成績，亦未有訂下時間表，若教院欲繼續爭取正名，須再次提交申請。

　　教資會一直未有向教院撥出研究生學額，而○九至一二學年的本科生學額分配中，教資會亦沒批准教院開辦新學科。史解釋，教院的師資能力暫未達到要求，「若政府肯給予額外資源，我們可以考慮就教院開辦的新學科撥出額外學額。」

　　報告又建議政府，處理教院的發展事宜時，應給予額外撥款。工作小組推算，假設教院增設三十個研究課程學額，每年約需一千一百萬元；而新增三個本科生學科範疇，各至少有四十個一年級學額，每年約需七千六百萬元；但當局可減少或取消現時每年發放予教院的六千萬元「單學科學院額外補貼」，即每年合共需額外撥款二千七百萬元。另外，教資會指無論採取獨立發展或院校整合方案，均需不少於一億元的一筆過費用支持。教育局發言人昨表示，會詳細研究報告的內容和建議。

作者: 震撼景像 時間: 2009-2-18 08:43

果個報紙既標題係教院升格乃左野.....
但係教院自己係話"正名"........

今日睇亞視有條友講正名同埋升格既分別.......即使唔講呢個分別......
教院要做大學......暫時黎講根本冇可能.......

佢又唔諗下自己間野有幾咁唔掂.......
無論係學生啦......師資啦.....資源啦......等等......
講起學生.....我以前補習既一個中七學生話....入得教院既大部份都係 a-level 之中最唔掂既.....
由呢批最唔掂既人做老師教育我地既下一代.....咪仲衰.....
一個中七學生都識得咁諗........唉........

以為請多幾個 chair prof 番黎就可以"正名"......佢都低低地.....
請到 chair prof 番黎係好.....但係最重要既係.....
你幾時見過世界上有間大學既 departments 之中.....
Faculties 係 non Dr 多過 Dr 架.......
(當然你話一 d 好冷門既 department....例如 music....movie 等等既冇得講.......
教院搞掂呢壇野先好講啦........

最搞笑係話有報紙報導......
教院校長話佢地既規模既起中大同埋港大既 education department 大得多.....
佢都 kai 既......用成間野同一個 department...which is 唔係人地既強項黎比.....
如果大唔過既教院早就收左皮啦.......

教院校長仲話之前想話同其他大學合併....但係其他大學唔 show 佢.....
你諗下你想合併既大學係邊間先啦.........

作者: 小泡泡 時間: 2009-2-18 10:53

其實點解教院咁堅持要正名做 '大學'?

佢o地已經有頒授大學學位o既權力, 乜呢樣唔係先係最重要? 定係教院覺得而家有實無名??

舉個例子, MIT 都係 '學院' 唔係 '大學', 但係冇人會質疑 MIT o既學術水平; LSE 甚至係 'School'. 當然有人會話呢兩間學校o係國際知名o既...但係教院又係咪唔應該妄自菲薄?

唔知呢度有冇教院o既同學/舊生可以分享一下?

作者: 總理 時間: 2009-2-18 11:10

可能貪個 "title" 好聽d掛. 同人講我係大學畢業時都響d啦

作者: 小泡泡 時間: 2009-2-18 11:39

但係正如我之前講,最緊要係教院已經可以頒授學位.

MIT 同埋 LSE o既學生都唔會話自己唔係大學畢業啦...

作者: 小公子 時間: 2009-2-18 11:57

中國人 "名正言順" 文化問題, 好似潛意識咁影響一個人, 冇"大學" 二個字就死不暝目.

作者: 米兒25 時間: 2009-2-18 12:29

為何香港人總是要拘泥於這些虛名
大學一個名字真的有這麼重要?
有大學一字會高級一點嗎?
現在IED已經是有能力頒授大學學位的學院這樣不才是重點嗎
來一些例子MIT, 別人也沒叫自己大學, 但他們的學術成就會受到質疑嗎?
我在英國畢業的是叫School of XXXXX, 我畢業的院連Master也可以頒授, 但從沒叫自己大學(我畢業的是單一科目學院)
香港也有演藝學院, 名號說到尾還是虛無的
有材能根本不需要拘泥於這個問題, 沒材能就算稱上大學也是虛有其表
有沒有教院學生可以告訴我為何要這樣執著

作者: 小泡泡 時間: 2009-2-18 12:42

樓上同我o既觀點完全一致.

我反而認為教院而家專注單一學科 (教育), 出o黎o既畢業生更有說服力, 起碼我會覺得入得教院o既學生, 大部分都係有o個份熱誠為人師表, 教育我o地o既下一代.

可能我身邊有d人o係o個d入唔到大學收生最激烈o個幾科, 退而求其次讀語文, 然後畢業出o黎做語文老師誤人子弟...唔怪之得社會上d人成日投訴而家d學生o既語文水平每況愈下...

作者: 小公子 時間: 2009-2-18 13:14

教院升格大學觸礁

一睇條 thread 就知.

教院吾認同自己既身份, "大學" 對於教院來講係一種 "升格" , 意味教院對 "學院" 二個字既現況不滿意. 明顯地, 即使教院有自我評審權, 亦明知歐美國不少頂級院校也叫 "College", "Institute" , 佢地心理上擺脫吾到 "名正言順' 既心魔.

"學院" 二個字仿彿係一個咒語, 一個封印.

作者: 121 時間: 2009-2-18 14:46

其實可能係史問題
幾年前因為沙皇同反焦問題
跟住成日話正名...

記得十幾年前, Poly 都一夜成大啦, 邊有咁多野(都係史問題)
我又唔係咁希行喎
如果當年Poly 無大
到今時今日我都 Proud of Poly
所以IEd 都唔駛咁介意

作者: 121 時間: 2009-2-18 15:16

所以系HK先Define 大學系最好

歡迎光臨 UFunFun 討論區 (http://ufunfun.com/)