Board logo

標題: 李生間屋, 長和系, 玄空, 天心, 打劫.... [打印本頁]

作者: 係必殺    時間: 2009-4-29 19:49     標題: 李生間屋, 長和系, 玄空, 天心, 打劫....

先講下李生

佢深水灣道間屋係 "連根拔起" 咁拆晒.  因為 "連根拔起", 所以再起嗰間先可以有個新嘅立極時間.  蔣祖喺天元五歌早早講咗.  求其上吓油漆, 裝吓修, 開吓屋頂, 搞吓個煤氣爐, 冇可能改立極時間, 即係俗師最興講嘅所為 "換天心".  啲俗師首先搞錯一樣嘢, 就係以為 "天心" 同 "立極時間" 係同一個意思.  呢點係錯.  [地理辨正] 入面講嘅 "天心" 同 "立極時間" 其實係兩樣嘢.  

"立極時間" 係 "宅命" 開始嗰陣嗰一個時間.  A fixed point in time.  係不易.  一定咗就唔會改, 除非 "連根拔起", 即係起過間新屋.  "天心" 係一宅有生命之後, 因為入唔同嘅日, 唔同嘅月, 唔同嘅年, 唔同嘅運而喺星盤上流轉嘅樞紐.  即係話, 雖然個星盤唔變, 但睇法用法唔同晒.  [天心一動九宮更] (呢個 "更" 字, 可圈可點), 或者 [運遇遷流宅氣改] 都係講緊 "天心" 移位後宅氣跟住 "更".  係變易.  但唔等於 "立極時間" 改咗.  俗師嘅問題係, 唔知乜嘢係天心, 當然更加唔識天心點郁. 望住個 (例如) 七運盤入八運完全唔識點樣睇點樣用.  所以自創咗好多蔣祖, 章氏等夢所未見嘅怪招, 例如 "尤惜陰" 嘅個宅吉咗四十九日會自動換立極時間, 甚至有啲荒謬到話個宅入到咩運就自動用嗰個運起盤, 即係 "立極時間" 自動變.  完全當蔣公講嘅 [宅命] 冇到.  死未.  天心係乜, 呢道已經有高手講過.  講得好好, 唔使重複.  根本冇佢地所為嘅 "換天心" (其實佢地係講緊換 "立極時間"") 呢回事.

講返李生.  佢間屋係入八運後人丁會出問題, 一定要改.  相師喺巒頭限制同命卦配合嘅考慮下, 認為用八運局嘅理氣最好, 所以拆晒再起.  李生要睇財運, 重點都會落喺佢返公嘅地方, which is 長江大廈.  唔係話住嘅地方唔使佈財, 當然都要.  而係人丁安全健康係佢拆屋嘅落眼點.  至於長和系, 長和系嘅 [唔掂] 同匯豐嘅 [唔掂] 一樣, 都係仍然賺緊好多錢.  李生話齋, 佢五十幾個國家有生意, 範數多到數唔晒.  大佬, 3G 生意佔和記生意額 20% 都唔到.  和記 08年 EBIT 520 億, 重係減咗 3G 蝕嘅 100 億之後.  等如話匯豐唔掂因為匯豐美國 Personal Finance Division 蝕錢一樣.  視野角度好似窄咗少少....

李生嘅相師同匯豐香港集團地師係同一人.  個姓氏英文串法有個 "O" 字.  個名唔講得.  係玩玄空.  當然唔係沈氏玄空.  呵呵.  

依家係八運, 咁七運屋好啲定八運屋好啲?  其實冇得一概而輪.  跟本唔存在退唔退氣嘅問題.  [生旺] (氣) 係一回事, [當令] (時) 係另一回事.  有咗 [生旺], [當令] 嘅先有力.  俗師唔識, 凈係知七運搵七仔八運搵八仔.  問題係第一未知 [生旺] , 星有冇力都未知.  第二係唔識天心, 一入下一運就 [當令] 隻星喺邊都未知, 中都係撞中.  第三, 父母子息, 除咗 [直達] 重有得 [補救] (補救嘅意思唔係劫下運氣用.  沈氏咁解錯晒).  即係話隨時唔只一個位可用.  所以俗師好多時中咗都唔知真正原因.  以為搵到, 原來係另一回事.  沈竹礽就係咁樣俾玄空玩死.  講返七運屋好啲定八運屋好啲.  佈陽宅, 同常嚟講高手如果有得選擇會比較鍾意做隔運樓, 因為 [天心]一郁, 啲位會分開晒, 佈局靈活好多.  佈當運局限制大好多.  如果一定當運屋好啲咁點解香港嗰班超級富豪唔每個運搬屋搬 office?  記住佢地絕大部分喺六運已經發晒.  郭生, 何生都重用緊六運 office.  李生絕大部分七運都用緊六運嘅華人行.  不過華人行入八運真係唔掂, 所以要撇.

最後講吓 "七星打劫".  玄空當然有"七星打劫".  亦唔係六十四卦嘅 "八卦各有一卦無反對". "七星打劫" 比人搞成咁, 蔣祖泉下有知喺棺材入面都要番兩番.  "絕不" 呢兩個字, 真係要好小心用.  比人笑井底之蛙就無喂喇.
作者: 散發香味    時間: 2009-4-29 21:11

ebit係咩就唔想多講,但識的人都知是什麼

至於金融海嘯的真正威力仲未真正出現,X皇,X瘋最後係點一般人好難想像,

尤其係X瘋,單係D"蛽身公具"就玩死,而且仲有樣野都係自己來,不過唔想講,

當然最後係掂仲未知,但如果風水係決定一切,而最後都係衰左,

咁風水師本身的學理真係要自我再次理解,

但如果風水不敵天運,不是風水師的問題,

咁即係回到我以前所提出的理論,即風水都難以敵天運,不是一切.                                                                                                                                                                                                                                                                                                                                                       
作者: tongC    時間: 2009-4-30 08:01

基兄

風水是要佈合天運.
作者: 係必殺    時間: 2009-4-30 09:16

會復正常.  Thank you.




歡迎光臨 UFunFun 討論區 (http://ufunfun.com/) Powered by Discuz! 6.0.0