UFunFun 討論區 - Powered by Discuz! Board

標題: 大家覺唔覺喺感情路上做好人嘅, 通常都係輸家? [打印本頁]

作者: dindin 時間: 2009-4-27 01:25 標題: 大家覺唔覺喺感情路上做好人嘅, 通常都係輸家?

好明顯, 我個ex個新野喺我同阿ex未散之前已經喺度係咁撩我阿ex架啦! 我同阿ex喺埋成8年, 佢都係咁撩我阿ex, 擺明係一個壞人啦! 依家個結果係我點細心分析講, 點抆衫尾去求, 阿ex都完全唔俾時間同機會我去做補救嘅野.... 個新野識咗阿ex得嗰1個月多啲,就做咗贏家, 而我用咗成8年時間, 一心一意去愛, 拒絕任何引誘就換嚟呢啲結果... 點解呢個世界會咁架?

作者: 小螞蟻 時間: 2009-4-27 04:00

8年黎你係唔係將大家D相處變得公式化左呢?
或者係你EX已經忍左8年?

作者: 唔識講 時間: 2009-4-27 04:34

所以做壞人才是王道~~XD

但BB追求的,是霸道

作者: 太空人 時間: 2009-4-27 06:38

當你覺得你自己是輸家時
你的確就是輸家了

作者: 不斷變遷 時間: 2009-4-27 07:13

引用:

好明顯, 我個ex個新野喺我同阿ex未散之前已經喺度係咁撩我阿ex架啦! 我同阿ex喺埋成8年, 佢都係咁撩我阿ex, 擺明係一個壞人啦! 依家個結果係我點細心分析講, 點抆衫尾去求, 阿ex都完全唔俾時間同 ...

俾人飛的永遠都係輸家。我同你一樣和ex拍了快十年都因為第三者已分開，所以我都明白你的心情。其實如果佢唔愛你，你做什麼都無用，所以我覺得你無謂再去求佢。

作者: 大葉 時間: 2009-4-27 08:39

咁容易變心,愛極有限..貪新鮮最終佢都無好下塲!

作者: dullup 時間: 2009-4-27 09:07

壞人才是王道
寧我負天下人,莫天下人負我

作者: 牧羊人 時間: 2009-4-27 09:17

唔關好唔好人事既.. 貪新親都係大多數人既通病
不過有好多人都係失去左先會識得珍惜
係難為左你low

作者: 打風消息 時間: 2009-4-27 11:12

曾經被拋棄時我都以為自己係一個輸家, 他狠狠地離棄左我,
日日都為佢喊!覺得對佢甘好佢甘傷害我,朋友都睇唔過眼,
佢除左失去我,仲失去左一班朋友!
但諗返轉頭輸家唔係我,而係佢!因為佢後悔了!
當然我唔會返轉頭啦!!
依家我男朋友對我好好!
我贏左!!
唔好甘灰呀,佢唔識貨姐!
加油!!!

作者: 大環球 時間: 2009-4-27 12:09

或者咁諗啦, 8年, 遲d你地結埋婚, 佢大住個肚同你講個BB唔係你0既, 你0既打擊仲大。

無錯係會好傷心, 但我敢講絕對係一件好事。8年感情撩撩下都會無左, 呢D小考驗都過唔到, 點過人世。

係咪你信心太強, 覺得佢唔會就咁走左去, 而唔去認真睇下發生左咩事呢? 可能你地係有問題存在, 但係識得果個幾月就轉會, 唔係好念舊情喎...

作者: rymher 時間: 2009-4-27 13:26

你又唔好咁灰, 雖然我唔知你而家情況到有幾壞, 但首先你要找出問題係那兒, 若果係因為佢只係貪玩, 為錢或者其他原因, 總之就唔係你問題, 咁你就放佢走唔好左人開心, 但如果係因為你問題令到佢需要找令一個, 咁可能有轉機, 有第三者係好難接受, 但當你接受了, 可能會有另一種感覺出現.......我好明白你感受, 一定係好痛, 因為我都岩岩發現我十年女友有外遇, 好痛, 但我接受了佢, 而家就好似回到剛拍拖時一樣, 希望在明天, 平常心會幫到你.....

作者: 看海看船 時間: 2009-4-28 00:44

時間同愛情唔成正比,你估sell保險咩,多勞多得,愛情係講feel,話之你8年la,結婚有埋仔女都可以即走

歡迎光臨 UFunFun 討論區 (http://ufunfun.com/)