UFunFun 討論區 - Powered by Discuz! Board

標題: 我好辛苦..可以點? [打印本頁]

作者: dearMiMi 時間: 2009-3-29 11:43 標題: 我好辛苦..可以點?

13號果日我老公好誠實同我講出面有個女人..已經發展左3個月..佢唔想同我離婚..但又唔想失去個女人...我問佢..咁我同個仔以後點算..佢話佢唔會唔要我地....叫我俾時間佢..會同個女人分手....我信左佢...14號夜晚..佢約左個女人出來...可惜佢始終放唔底個女人....所以咩都無講過.........我係屋企等佢既答案等得好辛苦...但個答案另我好失望...佢問我可唔可以包容佢地....佢兩個都唔想失去

琴日..我寫左封信俾老公..內容大致叫佢唔好唔要我(好白癡呀我)..叫佢玩完識番屋企就得....我會學識包容佢地...佢睇完封信攬住我喊左好耐....果1刻佢話好對我唔住...對我太殘忍...有個好老婆都唔識珍惜...佢好賤格...佢話佢夜晚就同個女人講清楚..會分手...但到左夜晚..我問佢講左未..佢話講唔出...唔想一時一樣...驚講左會後悔又係番埋1齊...我果刻個心碎晒...我好白癡咁又信多佢1次.....我sd sms俾個女人...叫佢自動退出...點知俾佢串到無聲出....佢話老公同我1齊只係負責任..已經唔愛我....我問老公係咪真...佢答係....我真係呆左...原來佢之前話仲愛我都係呃我既....佢只係唔捨得個仔...佢知道我同佢離左婚個仔係唔會俾番佢....佢只係為左個仔而留住我.......個女人仲話唔介意幫我照顧埋個仔...真係可笑.....我真係好愛佢...我再次同佢講我會包容佢地....我當咩都唔知...但我個心真係碎左...

我可以點做...真係包容佢地..定係同佢離婚?????三年感情都比唔上三個月感情...................

作者: LeBon 時間: 2009-3-29 12:45

離婚啦
你留唔到老公個心
最緊要有瞻養費照顧你兩母子生活
再同你屋企人商量下

作者: Kaman39068 時間: 2009-3-29 12:45

你老公真係好賤格....而你又好蠢, 你講得出可以包容佢地, 佢咪食住你等佢可以得想二囉, 帶你個仔失踪吓, 等佢反省吓啦

作者: adradr 時間: 2009-3-29 12:50

樓主
你依家唔係叫包容,係叫縱容
你老公開到口話唔愛你
不如你認真諗下
你同個仔第時點過重好
但係你要記住
個仔一定唔可以比你老公
佢地想要既咪佢地自己生囉
我驚你依家拖得耐
係你自己唔開心
對個女人,你老公
佢地冇問題架
因為係佢地立場
佢地係相愛
你係責任
不如你為自己諗下
點樣攞晒你老公d錢
同個仔好好過日子~

作者: dearMiMi 時間: 2009-3-29 12:55

我依家無野做...
瞻養費更加唔會奢望佢會比我....
我依家同呀B係媽媽屋企...
我已經無再打電話俾佢....
同時佢亦都無打俾我...
佢話想唯持3人行....
我依家唯有等佢玩完番來我身邊...
雖然哩個諗法好傻...
但我真係好唔捨得佢

作者: 一定掂 時間: 2009-3-29 12:58

可唔可以同亞仔仔番娘家先?keep住啲錢呀同身份症, 番娘家冷靜下都好

歡迎光臨 UFunFun 討論區 (http://ufunfun.com/)