UFunFun 討論區 - Powered by Discuz! Board

標題: 點解我有d咁既老豆老母 [打印本頁]

作者: smallman 時間: 2009-3-6 09:20 標題: 點解我有d咁既老豆老母

本人而家18~而家讀緊ive...咁係開學前我老豆同我講左,,,學費佢負責,,生活費就我自己攪掂,,,好啦..咁頭幾個月我都搵唔到pt, 咁自己就用住暑期工搵返黎個幾千蚊支撐住先....咁頭個幾個月都冇咩錢銀上既問題既...但係到左今個月開始有d問題喇,因為我今個月隻眼生左粒瘡,,所以洗左8百幾蚊去睇醫生同做左個小手術咁啦,因為我馬會個邊又唔多工返...今個月得個1千蚊糧...又要交學費,電話費,仲未計食飯錢,車錢...講真~得個1千蚊..ｄ錢只係夠返學用．．我都唔寄望有得出去玩架啦....更何況我要突然嘔出8百元去睇隻眼...好啦..咁我今日問老豆拎番D 醫藥費..其實我冇諗拎番全數..因為佢一定罵我...好地地睇咩眼丫~查藥膏未得囉(因為我之前講過想睇隻眼,結果佢咁樣回應我)...所以我想問佢拎番3,4百...點知佢竟然咁回我你呀...你之前借我個1百蚊仲未還俾我.,,你而家問我拎錢,,,我唔計你你咪汁到囉..仲問我拎錢.. 你唔係返pt既咩..用你pt d $未得囉)...我話:我返pt得個1千蚊..你唔好以為返pt會有好多$先得架!!...根住佢就話:總知我開學前同你講過..我只係幫你交學費...其他唔關我事..你自己搞掂..
我聽到個刻好無助好唔開心...因為我真係冇錢了....日日為錢而煩惱....而家得個2百元...真係唔知下個月點過了.....

作者: icyou 時間: 2009-3-6 10:25

積極點做多幾份兼職~一係去申請公媛!

作者: osare 時間: 2009-3-6 10:31

咁都係你老豆咁姐...問你阿媽囉

作者: 來尋桃花 時間: 2009-3-6 11:24

很好的活生生一堂社會堂呢

點解你有d咁既老豆老母? 假如真的假如講難聽d0個句

你老豆老母唔係度時你點攪? 唔知你男定女但男女都好

將來有家庭都要負起理財既責任吧

好聲氣同老豆老母再傾吧話今次真係失了預萛

我相信你老豆老母點都會幫你既或者依家口硬想你自己獨立0的者

唔好有乜事都怪哂老豆老母頭上先得架

老豆老母唔係老馮幫你架? 又係你自己話乜都自己攪惦

好好學下點去理財吧將來成世人流流長你點過?

係呀意外有病你都唔想人生就係咁了有錢時就要存起一點

留返來對付呢0的"意外"的希望你可以在今次事件上好好上一堂課

你要怪老豆老母我無權阻上但你自己想下係唔係真係老豆老母有問題呢?

作者: uc@ic@ 時間: 2009-3-6 12:10

你唔好唔開心啦

作者: 打工心態 時間: 2009-3-6 12:36

現在ｄ小朋友太依賴父母
你既然答應零用錢自己攪掂就自己想辦法
你老豆都想你獨立ｄ　
你就爭氣ｄ自己攪掂
真是無辦法就立張借據立誓下個月出糧一定還

作者: 一首歌 時間: 2009-3-6 12:47

好出奇咩??
我屋企唔好得你幾多啦
我有病(長期病患)
我阿媽仲想我去做老師(想我死咩~~~~)
冇錢俾佢好似想殺我咁啦
咁又點??係唔開心架喇，可以點丫
吞咗佢囉~~

我男朋友都係啦，10年喇
今個月我搵少咗錢咋
就黑口黑面咁，驚死我會使咗佢d錢咁
人心肉做??我呸
人心錢做就真

歡迎光臨 UFunFun 討論區 (http://ufunfun.com/)