UFunFun 討論區 - Powered by Discuz! Board

標題: 我屋企適合養貓貓嗎?? [打印本頁]

作者: 原中心 時間: 2009-2-11 17:22 標題: 我屋企適合養貓貓嗎??

我屋企係私人樓...2房一個細廳...我自己係獨生子...重點問題係可能會唔適合貓貓...自己1個人住算大...但係2個人係屋企既時候就有點兒迫的感覺...廳最多可以供4個人打麻雀...1個人玩電腦(背面有位放多一部電腦)...加上一張平常用既桌(有一張麻雀台咁大)...重有少少位行到...大家覺得我屋企適唔適合養貓貓呢??

作者: supergl 時間: 2009-2-11 18:33

唔係屋大屋小問題…係家人是否同意養貓？你是否決定一生一世養佢照顧佢？還有心態﹕
1. 貓貓有爪，你會否因為佢爪爛東西而發狂？(我的貓試過開衣櫃門把我心愛的幾件衫咬爛至total lost…)
2. 你會否肯裝防貓跳樓網？
3. 每天也清理貓沙兜？
4. 耐唔中陪佢玩？
5. 是否介意甚麼也收起來為的是怕牠碰到？
6. 牠會掉貓，貓沙如何小心也會帶了少許出來，你介意嗎？

財力﹕
1. 負擔到每月幾百甚至上千元的貓糧、貓沙錢？
2. 打針錢？(幾百)
3. desex錢？(幾百)
4. 還有如貓貓病了，有錢去看醫生嗎？

我有朋友住的地方也不大，連房也沒有，她和貓貓依然相處愉快。所以，心態、責任感，遠比地方重要。

作者: disuki 時間: 2009-2-11 18:44

我都同意
有時唔係話間屋大細
宜係有冇愛心同埋經濟問題啊

作者: 原中心 時間: 2009-2-11 18:52

經濟問題不大...可以負擔得起...家人都同意...所有野我都可以為佢付出...只怕佢係我屋企住得唔舒服

作者: 原中心 時間: 2009-2-11 19:00

1. 貓貓有爪，你會否因為佢爪爛東西而發狂？(我的貓試過開衣櫃門把我心愛的幾件衫咬爛至total lost…)不會...我會買條柱比佢爪...加上我屋企都冇咩野係我心愛的
2. 你會否肯裝防貓跳樓網？冇問題...不過我諗我會diy
3. 每天也清理貓沙兜？一定la.....
4. 耐唔中陪佢玩？會
5. 是否介意甚麼也收起來為的是怕牠碰到？不介意
6. 牠會掉貓，貓沙如何小心也會帶了少許出來，你介意嗎？介意就介意...不過牠是動物...還是清潔了就算

財力﹕
1. 負擔到每月幾百甚至上千元的貓糧、貓沙錢？不買我愛玩的氣槍都要牠住得好
2. 打針錢？(幾百) 同上
3. desex錢？(幾百) 同上
4. 還有如貓貓病了，有錢去看醫生嗎？同上加上家人也會資助

作者: 原中心 時間: 2009-2-11 20:13

但係屋企細有冇d咩一定要注意啊???

作者: supergl 時間: 2009-2-11 21:03

你要記住，貓貓較很多人小很多，人覺得小的，在貓貓不然。

作者: 原中心 時間: 2009-2-11 22:03

雖然唔係了解全句...但係都大致上明白...thx

作者: tellme 時間: 2009-2-12 11:10

and no water on the floor

作者: 笑哈哈 時間: 2009-2-12 12:43

仲有貓貓鍾意跳上檯面+櫃頂+捐窿捐la >>> 越吾想佢地去既地方(難清潔+危險) 佢地就最鍾意走去... 吾好諗有得教喎, 係天生冇得改架
家居清潔衛生+安全緊要過地方大細囉

作者: supergl 時間: 2009-2-12 12:49

其實最主要你不要養十隻八隻貓ok~一兩隻是可以接受的。

我家也不大，所以清空了一間房給牠們。(普通房間大小)有時想放牠們出廳，牠們也不太願的樣子。哈。

歡迎光臨 UFunFun 討論區 (http://ufunfun.com/)