UFunFun 討論區 - Powered by Discuz! Board

標題: 屯門公路鬼抄牌 [打印本頁]

作者: 殺出了其人 時間: 2008-12-13 16:25 標題: 屯門公路鬼抄牌

近排東區走廊發生好多嚴重交通意外，每次都傷亡慘重；所以政府對於車輛係走廊上o既車速都控制得好嚴，捉快車o既次數密o左好多。不過屯門公路曾經出現過一個鬼差佬，佢專捉超速人士，仲會俾告票司機。

阿興就曾經收過鬼差佬o既告票。當日佢由屯門公路出屯門，由於附近冇乜車，所以佢架車開到好快。行到半路突然俾一個騎警截停。

「司機唔該熄匙拎身份證出o黎！」騎警對阿興講。

阿興見俾個差人捉到正，只好死死氣俾個車牌佢抄。俾o左個牌差人之後，阿興冇心機到望都費事望個差人抄牌，個頭望另一邊。不過等o左好耐個差人都未抄完，所以阿興諗住擰轉頭串個阿Sir兩句。

「抄幾耐呀？阿……喂！阿Sir去o左邊呀？俾返個牌我呀！喂！」阿興竟然發覺個差人抄抄o下唔見o左人，於是即刻落車睇。只見個車牌跌o左落地，但個差人就影都冇埋，連架電單車都唔知去o左邊。阿興即刻毛骨悚然，前面係一條大直路，個差人冇可能走得咁快，所以即刻拿拿臨上車離開。

出到九龍，阿興同朋友講呢件事，個朋友先同佢講原來佢都有Friend遇過同樣o既事情，話呢個其實係鬼差佬，專捉公路上開快車

作者: YKM 時間: 2008-12-13 18:50

wow

作者: lorlor 時間: 2008-12-14 02:03

...無奈-0-

作者: osare 時間: 2008-12-14 03:31

比佢抄好過比真差佬抄

作者: 貓仔 時間: 2008-12-16 08:27

比人截停左正常反應實係問差人超左幾多,洗唔洗扣分,或者睇下係咪淨罰錢而唔扣分架....點會任佢抄啊,比佢告你瘋駕駛會釘牌架喎,我相信每一個司機都會做以上既對答,你講到好似食普通牛肉乾咁(拍/停車告票)....而家你講緊超速喎,所以好假下,叫阿興唔好作野啦,飲醉左咪認囉

你既出發點係岩,想d人唔好超速.但用鬼故黎嚇d司機可能後果仲嚴重!
例如司機聽完或睇完鬼故後成日個心形住形住,夜嗎嗎係公路見有野飛過(可能係鳥類),就以為自己"撞"野,令佢失控做成意外..更有可能連累其他駕駛人使造成嚴重慘劇!!

作者: 貓仔 時間: 2008-12-16 08:52

我成日都要開夜車,見過好多離奇既事,但都唔敢講出黎係唔想令其他人睇完都無亂諗

作者: 大仔 時間: 2008-12-16 23:33

吓...........

作者: 自動抵讚 時間: 2009-1-6 13:53

作者: 被人捉住 時間: 2009-1-6 17:58

唔係好恐怖姐

歡迎光臨 UFunFun 討論區 (http://ufunfun.com/)