標題:
[悲慘] 樣衰會比情人嫌棄?
[打印本頁]
作者:
鷹狗
時間:
2009-2-16 18:48
標題:
[悲慘] 樣衰會比情人嫌棄?
之前睇到一篇樣衰追唔到女朋友既文章,
其實我都幾痛心 。
曾經我都係比人嫌棄既一方 。
以為我曾經同一個女仔拍拖, 可能各位高登朋友唔信, 但講真佢真係好可愛,
而且好靚, 個性好開朗 。
亦好貼心, 當初係埋一齊, 唔係我追佢,
因為我樣衰, 成日比人串樣衰, 我同女仔相處會緊張。
當然更加唔可能去主動溝女 ...至少係我認知我唔敢咁唔要面 。
但佢卻不顧其他人既眼光倒返轉頭追我,
果時佢中六, 我叫自己唔好諗咁多, 人地只係當我係朋友 。
但係佢三不五時就黎個大告白, 會不斷獻殷勤 。
雖然好心動, 仲好滿足, 但我表面上仲係會同佢講...
「妳有好多選擇, 以妳既條件值得去選擇更好既男人, 我配唔上妳。」
因為我怕一切都係一樣夢 。
但係佢既執著之下, 我比佢征服左 。
佢會經常鼓勵我, 安慰我, 比信心我, 哄我開心。
同佢一齊果時我都係呆呆咁接受佢既一切。
有時覺得自己應該為佢做d野, 但成日將件事搞衰左。
成日計劃d驚喜比佢, 都比佢睇穿或者失敗 。
但係佢總係會笑得好開咁講「你好可愛阿!哈哈!」
聽到佢既反應, 自己心入面都溢滿住濃濃既感動同喜悅。
果陣時, 我地真係好快樂, 佢比左好多幸福我 。
大學畢業之後, 佢去左一間大公司工作, 靚女既人緣總係好好,
佢係公司好受歡迎, 亦好多追求者。
但呢d我通通不在意, 因為知道我咁多年既感情已經不足以畏懼任何考驗。
但係卻唔知道點解,
事情似乎一步一歲咁崩解 。
以前佢會鐘意我陪佢,
唔理係返學放學定帶佢出街。
但係佢去左返工之後,
會主動叫我唔會去接送佢,
唔好係公司果度等佢, 去搵佢一定要打比佢通知佢。
佢話佢以前太任性, 而家長大啦, 唔想我好似司機咁, 當我係工人差遣。
唔希望我等佢, 係怕我等太耐, 去搵佢之前要通知佢, 係怕去到佢先知佢唔得閒, 唔想我白白咁等。
聽起上黎係幾咁Sweet...
果時我對佢既說話, 一d懷疑都冇, 亦尊重佢既意思。
直到有一日, 佢生日, 我一如以往咁, 想比驚喜佢,
我將禮物同花準備好, 係佢公司樓下等佢, 我以為佢雖然會心痛我等佢好耐,
但一樣會好似以前咁笑住講:「傻瓜!」
但係當我見到佢同佢同事落黎果一刻,
所有謊言就咁硬生生粉碎。
佢有見到我, 我冇顧慮咁走上前, 或者仔細咁諗諗, 見到佢果種眼神果陣, 就唔應該上前...
但果時我並冇注意, 只係好笨拙咁講:「生日快樂阿, honey!
作者:
鷹狗
時間:
2009-2-16 19:45
佢既同事男男女女都紛紛咁討論我係邊個。
係我自我介紹之前, 佢既說話令我既時間停止左..
佢話:「只係其中一個追求者。」
然後將我推到一邊, 細細聲咁問我:「你黎呢度做咩?!:-[ 」
我話只係想比個生日驚喜姐...
第一次...真係第一次, 見到佢不耐煩既表情, 我一向淨係習慣佢既笑容。
如今佢既不耐煩既表情卻異常咁刺住我雙眼,
佢話你咁樣我好困擾。
我提出我既疑問..「有咩咁困擾? 我只係等你放工...?_? 唔係我地一直以黎都係咁樣為對方慶祝既咩?」
佢話:「而家唔一樣..」
我問:「邊度唔一樣?」
佢話:「如果比我同事知道我男朋友好似你咁, 我好冇面好丟架! 所以你返屋企先啦!」
佢一邊走返去同事果面一邊提高音調咁向我講:「果d我唔會收, 你自己帶返屋企把啦!」
然後我就睇住佢同佢d同事離開, 我見到佢d同事不停回頭望我, 之後對我女朋友咬耳仔, 我真係唔知佢地講緊咩...:-(
但我更在意係, 到底我女朋友係點樣講我..。
果晚, 佢返到屋企鬧左我一大餐, 我咩都冇答佢, 因為佢講既都係事實, 我配唔起佢, 我只係默默流淚咁接受佢提出分手:~( 。
如今, 我結左婚啦, 而家既老婆, 係我主動追求。
我告白果日, 佢笑著咁講:「我等呢一句等左好耐 」
我好驚訝。
我失態咁係佢面前數落自己, 我咁樣衰, 你點可能鐘意我?
佢只係帶住堅定而微笑既表情望住我:「唔係, 你好靚仔, 係我眼中, 你從內到外, 由頭到尾都靚仔都好徹底, 只係你自己唔知。」
我眼淚不停咁流, 曾經我都聽過呢句說話, 呢句令我心動又令我心痛既說話。
我唔否認我對過去果段感情有好大陰影, 係佢既面前, 我又自卑又冇安全感,
好怕佢終有一日, 會變成一個我唔認識既人。
所以唔敢主動,
唔敢主動抱佢,
唔敢主動拖佢,
唔敢主動搵佢,
連吻佢都會問。
而佢好似係度引導我咁,
佢經常話:
「你咁唔主動唔夠愛我架!」
「當初追我既你去左邊阿?」
「傻瓜唔敢抱我阿?」
「怕羞仔做咩面紅阿?」
「唉, 我隻手好空虛阿! 都冇人想拖住我既..」
「唔想見我阿? 你唔掛住我阿? 得我掛住你...唔合格!」
「問左比唔比, 就唔比吻架啦! 要學識唔問先可以吻既規則!」
仲有好多好多, 係佢慢慢帶領我走出自卑, 一點一滴建立我既自信。
有一日佢休假,
佢話佢黎唔切買飯, 個肚好餓, 希望我送飯比佢。
但係如果到左佢公司, 要面對著佢眾多既同事, 我緊張咁話:「唔好啦...」
因為我係第一次去佢既工作場
作者:
清掉怪獸
時間:
2009-2-16 19:54
Good Post
作者:
鷹狗
時間:
2009-2-16 20:14
因為我係第一次去佢既工作場合。
我一直好避免呢個地雷...因為上段感情既陰影。
我怕會被傷害。
但係當我去到佢公司, 佢既同事好似個個都見怪不怪, 認識我咁。
對住佢大叫:「喂! 你老公黎左啦!」
果一刻我呆左, 佢開心咁跑過黎, 就好似識得讀心術咁, 對住我講:
「哈! 大家都知你係我老公啦!」
之後, 佢再講:
「但你係我老公只係我空想, 你呢? 到底想唔想做我真正既老公?」
我永遠永遠都唔會忘記呢一幕, 佢正式向我求婚既情景。
亦忘記唔到...
我緊張咁話:「好阿..」
妳大聲宣佈:「哇! 佢答應左我既求婚阿! 我太幸運啦!」
然後大家祝幅歡呼我地既果一幕。
真係好多謝你, 老婆,
多謝你肯一路帶住我, 耐心咁陪我走出陰影。
多謝你為我刻畫好多美好既回憶, 多謝你連最後一刻都冇忘記比我信心。
多謝你教識我真愛係唔會被任何理由打敗。
我愛你, 一直到而家我都仲係咁愛你,
妳話如果妳走左, 唔準我愛上其他人, 因為我係妳好唔容易搶到既, 比其他人搶走妳會唔甘心。
我想話妳知, 我絕對唔會;-) 。
唔知變成天使既妳, 聽唔聽到呢?
老婆, 我好掛住你。
作者:
鷹狗
時間:
2009-2-16 20:16
情人節, 而家只係剩低我一個人係孤獨既空間入面過,
每次一諗到以前既情人節, 既流淚就好似飲水機咁樣流,
老婆, 唔知天堂既情人節係點樣?
老婆, 妳而家快唔快樂?
老婆, 妳叫我要快樂咁生活落去, 我已經好努力咁樣盡量去快樂。
作者:
full
時間:
2009-2-16 20:19
支持 ! 支持 !
作者:
likeWAI
時間:
2009-2-16 20:38
樓主,+U
其實,睇樣只係D膚淺既人,
靚樣都沒有多久保存期...
多謝你打呢個POST,鼓勵下人
作者:
凡人
時間:
2009-2-16 20:53
你一定好傷心啦...不過唔好咁唔開心啦 做人要快樂呀
我係咪第一呀 ?
作者:
凡人
時間:
2009-2-16 20:57
-_-掛住睇 比人帶了第一
其實靚仔有何用?
最緊要都係點用心對人姐
作者:
小蚊滋
時間:
2009-2-16 20:57
好感動
我覺得樣係會變
7老八十都唔會靚啦~我一拍拖就唸一生一世SO我唔會著重樣
樣唔重要~普通就得~心先係好緊要
如果同一個樣好靚但係完全係一個小朋友唔成熟同埋心腸壞咁咪仲辛苦遲早散
結論係睇樣只係為帶出去比FD威~但係有苦自己知~
唔可能有咁多世上完美的人囉!!!RIGHT
作者:
我係第一名
時間:
2009-2-16 21:04
好感動~睇你講你老婆果d...
希望你可以堅強...你開人我相信佢係天堂都會開心
作者:
梨花蘭
時間:
2009-2-16 21:19
希望你一直會開開心心 快快樂樂 .....好感動真係
作者:
可人兒
時間:
2009-2-16 21:58
是你嗎?
我有時都會上高x論壇(我沒有a/c的)
記得你話果個女仔真係傷得你好深.........(你最後好似話掉左d花)
原來你之後有一個咁好既老婆,但係.......
振作呀~你老婆都一定想你生活開心快樂的話!
作者:
串得起
時間:
2009-2-20 09:29
是轉貼的嗎....??
btw...正常地...後生個陣...係睇樣...................
但當你慢慢大個左...遇到唔同ge人..
你會發覺...樣普普通通就夠了...
最緊要係心地好...! 要有內在美~
至於D人幾時先會去到呢個階段...就因人異已!
歡迎光臨 UFunFun 討論區 (http://ufunfun.com/)
Powered by Discuz! 6.0.0